„ფრჩხილები მუხლებში ჩამასო და თვალი თვალში გამიყარა” – სააკაშვილი პუტინთან შეხვედრას იხსენებს

საქართველოს ყოფილმა პრეზიდენტმა მიხეილ სააკაშვილმა პუტინთან შეხვედრა გაიხსენა. მის სიტყვებს გამოცემა „გორდონი“ აქვეყნებს.

სააკაშვილის თქმით, რუსეთის ლიდერთან საუბარი მინსკში, თანამეგობრობის ქვეყნების სამიტზე 2006 წელს შედგა:

„პუტინმა რაღაც ცალკე ოთახში გამიყვანა, მუხლებში ფრჩხილები ჩამასო – საუბარი თვალი თვალში გაყრით მიდიოდა – და ომით დამემუქრა“, – აცხადებს საქართველოს ექსპრეზიდენტი და განმარტავს, რომ მაშინ მისი თანამოსაუბრე „არ ხუმრობდა“.

დღესვე, 23 ივნისს, მოგვიანებით დიმიტრი გორდონის youtube-არხზე სააკაშვილთან ინტერვიუს სრული ჩანაწერი გამოქვეყნდება.

სააკაშვილი ამჟამად უკრაინის რეფორმების ეროვნული საბჭოს აღმასრულებელ კომიტეტს ხელმძღვანელობს.

წყარო – cyc.ge