ფონდ ,,ქართუსგან” ლაგუნა ვერე მარიკა ვერულაშვილმა შეიძინა – მედია

,,ქართუ ფონდმა” ლაგუნა ვერე გაყიდა – ინფორმაციას სოციალურ ქსელში პარლამენტის ყოფილი დეპუტატი ირაკლი აბესაძე ავრცელებს.

აბესაძე წერს:

,,ივნისში იგივე კალაძემ საერთოდ ეჭვის ქვეშ დააყენა იქ აუზის არსებობის მიზანშეწონილობა და თქვა, რომ ყველაზე დაბინძურებულ ადგილას აუზის არსებობის გადაწყვეტილებას საზოგადოებასთან ერთად მიიღებდა ვნახოთ იქნება თუ არა აუზი აქ” – წერს აბესაძე.

მისივე ინფორმაციით ,,ლაგუნა ვერეს” ახალი მფლობელი ,,ნეო სითი დეველოპმენტია”

,,ბიზნესპრესნიუსი” წერს, რომ სამეწარმეო რეესტრის მიხედვით, 2023 წლის 23 მარტს დარეგისტრირებული კომპანიის წილის 100%-ს ნაციონალური მოძრაობის ყოფილი წევრი, მარიკა ვერულაშვილი ფლობს.

შეგახსენებთ, ვერულაშვილი გახლდათ 2008-2012 წლებში — საქართველოს მე-7 მოწვევის პარლამენტის წევრი პარტიული სიით , საარჩევნო ბლოკი: „ერთიანი ნაციონალური მოძრაობა — გამარჯვებული საქართველოსთვის“. 2012-2016 წლებში კი, საქართველოს მე-8 მოწვევის პარლამენტის წევრი (ყვარლის მაჟორიტარი), საარჩევნო ბლოკი: „ერთიანი ნაციონალური მოძრაობა — „მეტი სარგებელი ხალხს“.

აღსანიშნავია, რომ ბოლო ცნობებით ლაგუნასთან აბრეშუმის ქარხნის ტერიტორიაზე მრავალფუნქციური კომპლექსის მშნებელობის პროექტი არსებობდა, რომელიც მერიამ დაახარვეზა. იქამდე კი, „ლაგუნასთან“ მრავალფუნქციური კომპლექსის მშენებლობას, რომელიც მოიცავდა: საცხოვრებელ; კომერციულ, საოფისე და დამხმარე ფართებს, შპს „კოსტავა 69“ გეგმავდა.

წყარო – ბიზნესპრესნიუსი