ფლორიდის შტატის გუბერნატორის რონ დესანტისის განცხადებით, შტატის ტერიტორიაზე შემოღებული იზოლაციის რეჟიმი არ გავრცელდება ეკლესიებზე, სინაგოგებსა და სალოცავ სახლებზე.
გუბერნატორის განმარტებით, ეკლესიებში, სინაგოგებსა და სალოცავ სახლებში ჩატარებული რელიგიური მსახურება აუცილებელ საქმიანობას წარმოადგენს და შესაბამისად, იზოლაციის რეჟიმი მათზე არ გავრცელდება.
ფლორიდის შტატის ტერიტორიაზე სახლში დარჩენის განკარგულება დღეს ამოქმედდება. ბოლო მონაცემებით, ფლორიდაში კორონავირუსით ინფიცირების 6 946 შემთხვევა დაფიქსირდა, ხოლო 86 ადამიანი კი გარდაიცვალა.
ამერიკის შეერთებულ შტატებში კორონავირუსით 205,438 ადამიანი არის ინფიცირებული, საიდანაც 4,528 შემთხვევა ფატალურად დასრულდა. გამოჯანმრთელებულია 8,762 ადამიანი.
კომენტარები