“ფილტვებს ვერ გაგისინჯავ, კლინიკაში ვერ გადაგიყვან და რენტგენს ვერ გადაიღებო…”- კოვიდინფიცირებული

მასწავლებელთა პროფესიული განვითარების ეროვნული ცენტრის თანამშრომელი, ნათია მანია, სოციალურ ქსელში, წერს:

“მოვიდა სასწრაფოს ექიმი. არ დაჯდა. ფილტვები არ გაუსინჯავს – უფლება არ მაქვსო,

საავადმყოფოებში ადგილი არ არისო, ვერსად ვერ გადაგიყვანთო.

სატურაცია გამისინჯა.

სატურაციის გასინჯვა არის ასე: სარეცხის სამაგრები რომაა, ე.წ. შპილკები, მაგის მსგავს ელექტრონულ რაღაცაში გაყოფინებენ თითს და გიჭერენ და ზედ ციფრები ეწერება. რანაირად ზომავს, აზრზე არ ვარ.

სატურაცია 96 მქონდა.

ბარემღა დანარჩენებსაც გაუსინჯეთ-მეთქი. დანარჩენებს 99-ები ჰქონდათ.

არაფერი გჭირთო. ამ 99-იანებს საერთოდაც გადასარევი სატურაცია აქვთ და არც შენია ცუდიო.

სატურაცია თუ იქნებოდა დაბალი, მერე ვიფიქრებდით, რა გვექნაო. ახლა დარჩით სახლში და ურეკეთ ოჯახის ექიმს, რახან სიცხეები გაქვთ, შეიძლება ანტიბიოტიკი დაგინიშნონო.

მეთქი, რენტგენს ვერ გადავიღებ ჩემი ხარჯით სადმე, რომ ზუსტად ვიცოდე, მაქვს ანთება თუ არა? ვერაო.

სულ ეს იყო…”