დაღუპული 28 წლის სონა მნაცაკანიანია. ინციდენტი ერევანში, პარონიანის და ლეოს ქუჩების კვეთაზე მოხდა. როგორც მოგვიანებით სომხეთის პრემიერ-მინისტრის აპარატში განაცხადეს, ავარიის დროს ფაშინიანი კორტეჟის ერთ-ერთ მანქანაში იმყოფებოდა. ამავე ინფორმაციის მიხედვით, როდესაც ფაშინიანმა მომხდარის შესახებ შეიტყო, მან სასწრაფო დახმარების მანქანის გამოძახების განკარგულება გასცა.
საგზაო პოლიციის ოფიცერი, რომელიც ავტომობილ „ტოიოტა პრადოს“ მართავდა, რომელიც ქალს დაეჯახა, დაკავებულია. ის მოძრაობის უსაფრთხოების წესების დარღვევისთვის დააკავეს, რასაც ადამიანის დაღუპვა მოჰყვა.
როგორც პრემიერ-მინისტრის აპარატის ხელმძღვანელის მოადგილემ ტარონ ჩახოიანმა განაცხადა, ფაშინიანმა ტელეფონით დაურეკა დაღუპულის მამას და მას სამძიმარი გამოუცხადა, ასევე ობიექტური გამოძიების ჩატარების პირობა მისცა.
კომენტარები