“ფარცხალაძემ დააშავა, დაჯარიმდა, ასეთი 9 ათასი ადამიანი დაჯარიმდა“, – ასე გამოეხმაურა პრემიერ-მინისტრი გიორგი გახარია ყოფილი გენერალური პროკურორის, ოთარ ფარცხალაძის მიერ კანონდარღვევას.
“ალია” – ბატონო პრემიერო, ფარცხალაძე ისე არ დაჯარიმებულა, როგორც დანარჩენი 8 999 999 ადამიანი, იგი დაჯარიმდა, როგორც ამბობთ და ალბათ, მართლაც დაჯარიმდა – მაგრამ, მას შემდეგ, რაც ვიდეო გავრცელდა, როგორ არღვევს კანონს. გარდა ამისა, ასეთი 9 ათასი ადამიანი დაჯარიმდაო, რომ გვეუბნებით, როგორი ასეთი? რით ჰგავს ის 8 999 999 ადამიანი ფარცხალაძეს? ერთნაირად გაუჭირდებათ 3 000 ლარის გადახდა? თუ ერთნაირად ჰქონდათ იმედი, რომ მათ არავინ დააჯარიმებდათ?
ისე, ძალიან საინტერესოა, მაინც როგორ დააჯარიმეთ ფარცხალაძე? მოვიდა და განაცხადა დავარღვიეო? გავრცელებულ ვიდეოს ექსპერტიზა ჩაუტარდა? საქმე აღიძრა? კიდევ დაარღვია და პატრულმა გააჩერა? თუ უბრალოდ, მიხვედით და მეგობრულად სთხოვეთ, დამაჯარიმებინე თავიო? – აი, როგორ გამოუწერეთ ჯარიმა და რის საფუძველზე, ძალიან საინტერესოა.
ბატონო პრემიერო, ჩვენ ვითხოვთ, რომ კანონი ყველასთავის იყოს ერთი – ეს არ ნიშნავს იმას, რომ ჯერ კანონის გვერდის ავლით არ დავაჯარიმოთ და მერე ასევე კანონის გვერდის ავლით დავაჯარიმოთ. თორემ, ფარცხალაძეს ერთი ჯარიმაც კი უნდა ჰქონდეს შეიძლება გამოწერილი და ასიც. კითხვაა – როდის და რისთვის?
შეგახსენებთ, რამდენიმე კვირის წინ, „ნაციონალური მოძრაობის“ წევრმა, ლევან ხაბეიშვილმა გაავრცელა ვიდეომასალა, სადაც ასახულია, რომ ყოფილი გენერალური პროკურორი ავტომობილით თავისუფლად გადაადგილდებოდა. ეს მაშინ, როდესაც კორონავირუსის გამო, მთავრობამ მანქანებით გადაადგილება აკრძალა.
კომენტარები