“ფაფის ჭამა” ხომ თავზე დაემხოთ და ეს უარესად მოუბრუნდებათ – ეკა ხერხეულიძე

„ეს ამბობს შემდეგს – გამოვაქვეყნებთ მიხეილ სააკაშვილთან პირადი შეხვედრების კადრებსაცო.
“ფაფის ჭამა” ხომ თავზე დაემხოთ და ეს უარესად მოუბრუნდებათ.
ამ იდიოტებს ჰგონიათ, რომ სათვალთვალო კამერებს მარტო თავად ხედავენ.
ვაი თქვენს პატრონს,მართლა..მიდით,გამოაქვეყნეთ… ოღონდ,ამოკრებილი ფრაზები არა, სრულად გამოაქვეყნეთ, იქნებ ამ ქვეყანაზე ფიქრი მაშინ მაინც შეძლოთ,“- ასე ეხმაურება „ნაციონალური მოძრაობის“ წევრი ეკა ხერხეულიძე სუს-ის მიერ გავრცელებულ ინფორმაციას იმის თაობაზე, რომ იგეგმება ხელისუფლებისა ძალადობრივი გზით დამხობა, მსჯავრდებულ მიხეილ სააკაშვილის მიერ.

ცნობისათვის, აღნიშნული განცხადება სახელმწიფო უშიშროების სამსახურმა 2 დღის წინ გააკეთა.
სიტუაციის მაქსიმალური ესკალაციისა და სხვადასხვა პროვოკაციული ქმედებების ორგანიზების უზრუნველსაყოფად, აქციაში დაგეგმილია ძალოვანი სტრუქტურების ყოფილი თანამშრომლების ჩართვა. ასევე, აქციის ორგანიზატორები აქტიურად განიხილავენ ძალოვანი სტრუქტურების ცალკეული თანამშრომლის გადაბირებისა და ერთ-ერთი ოპოზიციური ლიდერის ლიკვიდაციის შესაძლებლობასაც.
აღნიშნული ქმედებები, რომელთა მიზანია ხელისუფლების ძალადობრივი გზით დამხობა, იგეგმება მსჯავრდებულ მიხეილ სააკაშვილის მიერ, რომელიც პენიტენციურ დაწესებულებაში მის სანახავად შესულ პირთა მეშვეობით, აძლევს დირექტივებს სხვადასხვა ოპოზიციური პარტიების ლიდერებს,“- ნათქვამია სუს- ის განცხადებაში.