კომპანიები Pfizer-ი და BioNtech-ი ჯანმრთელობის მსოფლიო ორგანიზაციის ვაქცინაციის პროგრამა COVAX-ს შეუერთდნენ. ამის შესახებ სააგენტო Reuters-ი საკუთარ წყაროებზე დაყრდნობით იტყობინება.
გარიგების დეტალები ჯერჯერობით უცნობია, თუმცა Reuters-ის ინფორმაციით, მხარეები ოფიციალურ განცხადებას სავარაუდოდ დღის ბოლომდე გააკეთებენ. COVAX-ის პროგრამა მიზნად დაბალი შემოსავლების მქონე ქვეყნებში ვაქცინაციის ხელშეწყობას ისახავს. პროექტი მსოფლიოს 92 ქვეყნისთვის კორონავირუსის საწინააღმდეგო ვაქცინის 2 მილიარდამდე დოზის მიწოდებას ითვალისწინებს.
კომენტარები