პენსიაზე გასული უკრაინელი პილოტი ჯარში დაბრუნდა და ცის დაცვას სიცოცხლე შესწირა

armyinform.com.ua აქვეყნებს წერილს სათაურით – “მან სიცოცხლე გასწირა უკრაინის ცისთვის”:

უკრაინის ცისთვის ბრძოლაში გმირულად დათმო ყველაზე ძვირფასი – სიცოცხლე – 58 წლის პილოტმა მაიორმა სტეპან ჩობანუმ.

მისი მთლიანი ფრენის დრო იყო 1100 საათზე მეტი, მონაწილეობდა წვრთნებში და სამხედრო ტექნიკის კვლევაში, მონაწილეობდა სამ სამხედრო აღლუმში უკრაინის დამოუკიდებლობის დღესთან დაკავშირებით.

სტეპან ივანოვიჩი პენსიაზე გავიდა 2010 წელს, მაგრამ 2015 წელს რუსეთის ფედერაციის სამხედრო აგრესიის გამო, მან გადაწყვიტა შეიარაღებულ ძალებში დაბრუნება. როგორც უკრაინის საჰაერო ძალების ერთ-ერთი ყველაზე გამოცდილი მფრინავი, ის მუდმივად ასრულებდა საბრძოლო მოვალეობებს საჰაერო თავდაცვის ძალებში და თავის გამოცდილებას ახალგაზრდა კოლეგებს გადასცემდა.

2022 წლის 24 თებერვალს სტეპან ივანოვიჩმა გაიყვანა თვითმფრინავი აგრესორი ქვეყნის მზაკვრული სარაკეტო დარტყმისგან და განაგრძო საბრძოლო გაფრენების შესრულება პატივითა და ღირსებით. 28 თებერვალს, სუ-27 თვითმფრინავით, ის იყო პირველი, ვინც ავიდა ჰაერში და შევიდა საჰაერო ბრძოლაში კროპივნიცკის თავზე, გადაიტანა მტრის თვითმფრინავის ყურადღება, თავს დაესხნენ რაკეტებით… გარდაიცვალა. მისმა ამ მანევრმა უზრუნველყო დანარჩენი თვითმფრინავების ჰაერში ასვლა და მტრის თვითმფრინავების ყურადღების გადატანა.

სტეპან ივანოვიჩს დარჩა ქვრივი და ორი ვაჟი, ასევე საყვარელი სპანიელი…

იგი სამხედრო პატივით დაკრძალეს სამხედრო სასაფლაოზე.

უკრაინის სახელმწიფო სუვერენიტეტისა და ტერიტორიული მთლიანობის დასაცავად გამოჩენილი პირადი გამბედაობისა და გმირობისთვის, სამხედრო ფიცის ერთგულებისთვის უკრაინის პრეზიდენტის 2022 წლის 2 მარტის № 94/2022 ბრძანებულებით მაიორ ჩობანი სტეპან ივანოვიჩს მიენიჭა წოდება. უკრაინის გმირი ოქროს ორდენით.

მარადიული დიდება გმირებს!