პაციენტს აქვს უფლება მოიძიოს ალტერნატიული სამკურნალო დაწესებულება, – ამის შესახებ ცენრტ “ემპათიას” ხელმძღვანელი, მარიამ ჯიშკარიანი მესამე პრეზიდენტთან დაკავშირებით აცხადებს. ჯიშკარიანის თქმით, სპეციალიზირებული კლინიკა, რომელიც მიხეილ სააკაშვილის რთული დიაგნოზის მკურნალობას შეძლებს, საქართველოში არ არსებობს.
სამწუხაროდ, საქართველოში არ არის ასეთი გამოცდილება შიმშილობით გამოწვეული ენცეფალოპათიის მკურნალობის და არც ნეირორეაბილიტაციის მიმართულებით არის ასეთი მულტიპროფილური დაწესებულება. პაციენტს აქვს უფლება მოიძიოს ალტერნატიული მკურნალობა და რეაბილიტაციის დაწესებულება, სადაც მისი მკურნალობა და რეაბილიტაცია იქნება უფრო ეფექტური. თუკი არ იქნა ეფექტური მკურნალობა და რეაბილიტაცია ჩვენ ვდგებით იმ საფრთხის წინაშე, რომ ადამიანი შეიძლება დაინვალიდდეს, – თქვა მარიამ ჯიშკარიანმა.
კომენტარები