“პასპორტში 5 ლარს ვიხდიდით”, “ნამყოფიც არა ვარ ქარელში” – როგორ შედგა პარტიული სია?

მოქალაქე ფეისბუკზე წერს, რომ იაგო ხვიჩიასა და ვახტანგ მეგრელიშვილის გირჩის პარტიულ სიაში მისი ნებართვის გარეშეა ჩაწერილი. 

„სრულიად შემთხვევით აღმოვაჩინე დღეს რომ იაგო ხვიჩიას და ვახტანგ მეგრელიშვილის პარტია გირჩმა ჩემი ნებართვის გარეშე ჩამწერა მეოთხე ნომრად თავის პარტიულ სიაში ქარელის მუნიციპალიტეტში. არანაირი შეხება არც გირჩთან და არც ქარელთან არასდროს არ მქონია. ნამყოფიც არ ვარ ქარელში. რა პრინციპით და როგორ მოხდა ჩემი პირადი მონაცემების ამოღება და ჩემი თანხმობის გარეშე სიაში ჩემი ჩასმა, გაუგებარია.

ცესკოში დამიდასტურეს ეს ინფორმაცია და მითხრეს, რომ ვერაფერს ვერ მოიმოქმედებდნენ და რომ პარტიას უნდა დავუკავშირდე, მაგრამ ტექნიკურად შეუძლებელია სიაში ცვლილებების შეტანა ამ ეტაპზე. პარტიას მივწერე და ველოდები მათგან ზარს მთელი დღეა რომ მოვისმინო ახსნა-განმარტება”, – წერს კოკა კაპანაძე.

იაგო ხვიჩია “ფორმულასთან ამბობს:

„პოლიტიკური პარტიები ფორმალურად ადგენენ სიებს ადგილობრივი თვითმმართველობის არჩევნებისთვის, არა მხოლოდ ჩვენ გვქონდა ეს თემა. მხოლოდ ეს კი არ გვქონდა, კიდევ რამდენიმე შემთხვევა გვქონდა. მხარდამჭერებმა გამოგვიგზავნეს სია ხალხის, პასპორტში 5 ლარს ვიხდიდით, თუ გამოგვიგზავნიდნენ”