პარლამენტის მიმდებარე ტერიტორიაზე “ხარება” გამოჩნდა – ვინ არის იგი და რა კავშირშია გომელაურთან?

ტვ პირველის ინფორმაციით, რუსთაველის გამზირზე, პარლამენტის მიმდებარე ტერიტორიაზე “ხარება” გამოჩნდა.

აქტივისტების თქმით, პროტესტის ეპიცენტრში “ხარება” რამდენიმე წუთის წინ შენიშნეს.

48 წლის ზვიად ხარატიშვილი “ქართული ოცნების“ სადამსჯელო რაზმის მეთაური და ვახტანგ გომელაურის ნდობით აღჭურვილი პირია.

9 მარტის ღამეს, ანტირუსული აქციის მონაწილეები მისი მეთაურობით სასტიკად დაარბიეს.

ცნობისთვის, რამდენიმე წუთის წინ, აქციის მონაწილეებმა პარლამენტის უკანა შესასვლელთან გადაინაცვლეს, ისინი შს მინისტრისთვის „სირცხვილის კორიდორის“ მოწყობას გეგმავენ.

ხარება ფიგურირებს 20 ივნისის გავრილოვის ღამესაც, როცა სპეცრაზმი მშვიდობიან მომიტინგეებს დათვის ტყვიებით გაუსწორდა. ხარაზიშვილი ამ დროს ყველაზე მკაცრად გაწვრთნილ სპეცდანიშნულების დანაყოფს „შავნაბადას“ ხელმძღვანელობდა, სწორედ ეს დანაყოფი იდგა წინა რიგებში, მაშინ როდესაც სპეცრაზმი მომიტინგეებს დამიზნებით ესროდა. 

“მთავარი არხის” ინფორმაციით, ხარაზიშვილი ვახტანგ გომელაურის პროტეჟეა და მის უშუალო მფარველობაში იმყოფება. 

შეგახსენებთ,  თამარ ბაჩალიაშვილის საქმეშიც,  ერთ-ერთი მანქანა, რომელიც ბაჩალიაშვილის მანქანის უკან მოძრაობდა, რომლის ნომერიცაა WW-558-VV, “შავნაბადას” სპეცდანიშნულების რაზმის ხელმძღვანელი ზვიად ხარაზიშვილი, იგივე “ხარება” გადაადგილდებოდა.