ქართველი ლუი ანდრსონი, ნიკუშა ჭიჭიკოშვილი 2017 წელს გაიცნო საზოგადოებამ.
ყველასათვის საყვარელმა ვიდეომ, რომელიც პირველი კლასის გამოსაშვებ ზეიმზე იყო გადაღებული, ნიკუშა ინტერნეტვარსკვლავად აქცია.
მალე ცნობილი გახდა, რომ ბიჭუნას ჯანმრთელობის სერიოზული პრობლემა აწუხებდა. ბავშვს თირკმლების დაავადება ჯერ კიდევ მუცლადყოფნის პერიოდში დაუდგინეს. მერე იყო ურთულესი გზა სიცოცხლის გადასარჩენად. წლების წინ ერთი თირკმელი ბებიამ, დედის დედამ, გადაუნერგა ნიკუშას.
ამ სამი წლის განმავლობაში ბავშვის მდგომარეობა რამდენჯერმე დამძიმდა, ის საავადმყოფოში არაერთხელ მოხვდა, რამდენიმე თვის წინ კი, 10 წლის ნიკუშას ინმსულტი განუვითარდა და თვეების განმავლობაში ინგოროყვას კლინიკაში აპატარზე იყო შეერთებული.
თითქმის ერთი თვეა, ნიკუშა სახლში დაბრუნდა. მდგომარეობა ამ ეტაპზეც რთულია, მაგრამ ოჯახისთვის მთავარია, რომ შვილი ცოცხალი გადაარჩინეს.
ნიკუშას მამას, ზურაბ ჭიჭიკოშვილი AMBEBI.GE -სთან ბავშვის მდგომარეობის შესახებ დეტალები საუბრობს.
– ძალიან დიდი მადლობა ყველას ასეთი გულშემატკივრობისთვის და პატივისცემისთვის! ამ ეტაპზე რა პრობლემაც არის ვუძღვებით ამას და საზოგადოებისგან ფინანსური დახმარების საჭიროება არ გვაქვს. ნიკუშას არაუშავს, სახლში უკეთესად გრძნობს თავს.ნიკუშას სტაბილურად სჭირდება რეაბილიტაცია. პარალიზებული აქვს მარცხენა მხარეს კიდურები. ახლა ფრენები არ არის, მისი მოძრაობაც არ შეიძლება, თუმცა, ვარკვევთ უცხოეთში სად შეიძლება იყოს ისეთი სარეაბილიტაციო ცენტრი, სადაც ნიკუშას მიღებას შეძლებენ, იქნებ წავიყვანოთ და ვუმკურნალოთ…
ამ ეტაპზე საავადმყოფოში დაწვენა საჭირო არ არის, მაგრამ მისი ჯანმრთელობიდან გამომდინარე, რთულია, წინასწარ განსაზღვრო როდის რა დასჭირდება. დიდი მადლობა ყველას ასეთი ყურადღებისთვის და ნიკუშას მოკითხვისთვის” – ამბობს ზურაბ ჭიჭიკოშვილი.
კომენტარები