პანდემიის მიუხედავად, მსოფლიოში იარაღის გაყიდვები იზრდება

სტოკჰოლმის საერთაშორისო მშვიდობის კვლევის ინსტიტუტზე (SAPRI) მონაცემებით, 2020 წელს მსოფლიოში 100 უმსხვილესი სამხედრო ინდუსტრიული კომპანიის იარაღისა და სამხედრო მომსახურების გაყიდვები, 2019 წელთან შედარებით, 1,3%-ით გაიზარდა და 531 მილიარდი დოლარი შეადგინა. ამის შესახებ SIPRI-ის პრესრელიზშია აღნიშნულია.

მისი ცნობით, მიუხედავად იმისა, რომ პანდემიის პირველ წელს გლობალური ეკონომიკა 3.1%-ით შემცირდა, იარაღის გაყიდვები იზრდებოდა.

“მსოფლიოს ბევრ ქვეყანაში სამხედრო ხარჯები გაიზარდა და ზოგიერთმა მთავრობამ სამხედრო ინდუსტრიაში მოღვაწე საწარმოებისთვის გადახდები დააჩქარა, რათა COVID-19-ის კრიზისის გავლენა შეერბილებინა”, – აღნიშნეს SIPRI-ში.

SIPRI-ს ტოპ 100-ში მოხვედრილი კომპანიების უდიდესი რაოდენობა კვლავ ამერიკის შეერთებულ შტატებშია. 2020 წელს, რეიტინგში წარმოდგენილი ყველა ამერიკული კომპანიის იარაღის ჯამური გაყიდვები, 2019 წელთან შედარებით, 1,9%-ით გაიზარდა და 285 მილიარდი დოლარი, ანუ SIPRI Top-100-ში მთლიანი გაყიდვების 54% შეადგინა.

ამასთან, SIPRI Top-100-ის რეიტინგში ცხრა რუსული კომპანიის იარაღის გაყიდვის ჯამური მოცულობა 6,5%-ით შემცირდა – 28,2 მილიარდი დოლარიდან 2019 წელს 26,4 მილიარდ დოლარამდე 2020 წელს. ეს SIPRI-ის მონაცემებით, კომპანიებს შორის იარაღის გაყიდვების ერთ-ერთი ყველაზე მკვეთრი ვარდნაა.

100 უდიდეს კომპანიას შორის ასევე ისრაელის, იაპონიის, ინდოეთისა და სამხრეთ კორეის კომპანიებიც არის.

წყარო