“ბიძინა ივანიშვილმა დამიყადაღა რუსთაველის პრემია” – ამის შესახებ მსოფლიო ბანმა, პაატა ბურჭულაძემ “ანა წერეთლის დღის ამბებში” განაცხადა.
ბურჭულაძე ამბობს, რომ “ეს მისთვის ძალიან მტკივნეულია, თუმცა, ვერაფერს შეცვლის.“
“ივანიშვილმა ჩათვალა, რომ მას უნდა გადაუხადოს ეს პრემია და მან უნდა მიითვისოს”-თქვა მან.
ჩემი ცხოვრების განმავლობაში ძალიან ბევრი სხვადასხვა ჯილდო მაქვს მიღებული, თითქმის 150-ზე მეტი და ეს არის, როგორც მსოფლიო ქალაქების საპატიო მოქალაქეობა, ასევე დიდებული და უძვირფასესი ადამიანების ჯილდოები.
ახლა მოხდა ჩემთვის ძალიან მტკივნეული რამ, მაგრამ რა ვქნათ. ჩამომართვეს რუსთაველის პრემია, უფრო სწორად დამიყადაღა ბიძინა ივანიშვილმა რუსთაველის პრემია, რომელსაც მე უკვე 1991-1992 წლიდან ვიღებდი და ბიძინა ივანიშვილმა ჩათვალა, რომ მე უნდა მას გადავუხადო ეს პრემია და მან უნდა მიითვისოს ეს.
მე მგონი, რომ ყველაფერი მაინც კარგად იქნება, მაგრამ ძალიან გული დამწყდა, რუსთაველი მაინც რუსთაველია,” – განაცხადა ბურჭულაძემ.
კომენტარები