ხელისუფლების მხრიდან ტოტალური მიყურადების და თვალთვალის შესახებ ინფორმაციას „სტრატეგია აღმაშენებელის“ წევრი, პაატა მანჯგალაძე ეხმიანება. ოპოზიციის წევრი ამბობს, რომ „ქართულ ოცნება“ ფარისევლობდა, როდესაც წინა ხელისუფლების პირობებში ფარული მიყურადების წინააღმდეგ გამოდიოდა.
ყველას უსმენენ, ტოტალური მოსმენები ხდება ქვეყანაში და ეს კიდევე ერთხელ ადასტურებს, რომ „ქართულ ოცნებას“ არ გააჩნია არავითარი ღირებულებები. შესაბამისად, მათი წუხილები, თითქოს ისინი წუხდნენ წინა ხელისუფლების პირობებში ადამიანის უფლებების დარღვევაზე იყო ფარისევლური და ყალბი. რატომ? იმიტომ, რომ ისინი წუხდენენ არა იმაზე, რომ ამას ვიღაცა აკეთებდა და ამით ადამიანის უფლებები ირღვეოდა, არამედ წუხდნენ იმაზე, რომ მათ არ ჰქონდათ ამის განხორციელების უფლება, – ამბობს პაატა მანჯგალაძე.
“მთავარი არხის” გენერალური დირექტორი ნიკა გვარამია ამბობს, რომ სახელმწიფო უსაფრთხოების სამსახური მოქალაქეებზე, მათ შორის პოლიტიკოსებსა და ჟურნალისტებზე ფარულ მიყურადებას აწარმოებდა და ბიძინა ივანიშვილისთვის ანგარიშებს ამზადებდა. საუბარია პირადი ცხოვრების დეტალებზე.
გვარამიამ ეთერში ის დოკუმენტი წაიკითხა, რომელიც, მისი თქმით, სუს-მა ივანიშვილისთვის მოამზადა. დოკუმენტში აღწერილია პოლიტიკოსების, ჟურნალისტების და საზოგადოებრივად აქტიური მოქალაქეების პირადი ცხოვრების დეტალები.
გვარამიას თქმით, უკანონო მიყურადების ბრძანებებს სუს-ის უფროსი გრიგოლ ლილუაშვილი, სუს-ის მოადგილე ლევან ახობაძე და სუს-ის ოპერატიულ-ტექნიკური სააგენტოს ე.წ. ოტოს დირექტორი კობა კობაძე გასცემდნენ.
კომენტარები