“ოცნების თემა კვარაცხელიას სახელის გამოყენებაა, ნაცმოძრაობის – კობახიძის მაისური” – მეზვრიშვილი

პარტია “საქართველოსთვის” პოლიტსაბჭოს წევრი, ნათია მეზვრიშვილი:

“პარლამენტში საშემოდგომო სესია გაიხსნა. ოცნების თემა კვარაცხელიას სახელის პოლიტიკურად გამოყენებაა, ნაცმოძრაობის – კობახიძის საფეხბურთო მაისური. ოცნება სიძულვილს აფრქვევს. ნაცმოძრაობა უკვე მერამდენედ აქციებს და ვადამდელს აანონსებს. პლუს, ერთმანეთს საშინელებებს ეძახიან. ჩვენი სათქმელი დღეს იყო: სტუდენტების გასაჭირი, ქვეყნიდან ინტელექტუალური რესურსის გადინება, ემიგრანტებისთვის ელექტრონული არჩევნები, ძალოვნებიდან კადრების გადინება. იმ დროს, როცა რეალურ პრობლემებზე კონცენტრაციაა საჭირო და ევროპული მომავლისთვის ერთიანობა ჰაერივით გვჭირდება, ეს ხდება საქართველოს საკანონმდებლო ორგანოში.”