“ოცნების” ყოფილმა მაღალჩინოსანმა მითხრა, ბიძინამ არმაგედონი მოგვიწყო, თავებს დაგაყრევინებთო…” – უგულავა

პოლიტიკოსი, გიგი უგულავა:

“ამას წინ ოცნების ყოფილმა მაღალჩინოსანმა მითხრა-შენ რომ საკონსტიტუციო მოიგე და ერთი დღით გამოხვედი ციხიდანო პირველ დღეს ივანიშვილმა გვითხრა -მერე რა, ხომ ხედავ სასამართლო დამოუკიდებელიაო. მეორე დღეს, დილიდან, არმაგედონი მოგვიწყო და დაგვავალა რომ უგულავა ერთ დღეში დაიჭირეთო, თორემ თავებს გაგაყრევინებთო. ასეც მოხდა. მე 23 საათში დამიჭირეს. ეს “დამოუკიდებელი” მოსამართლე ლაშა ჩხიკვაძე იყო, ვინც დღეს Nika Gvaramia-ს ასამართლებს და თავის თავზე მესამე პირში საუბრობს.

ჯერ კიდევ ჩემი პროცესი მიდიოდა, როცა ლაშა ჩხიკვაძეს რუსთავის გზატკეცილზე ფატალური ავარია მოუვიდა. მას შემდეგ ბოლომდე წახდა ეს კაცი. პროკურატურას ყურებით უჭირავს

დღესაც, მოსამართლე ჩხიკვაძის ბავშვობის ძმაკაცი წარმოადგენს ნიკა გვარამიას მოდავე მხარეს, რუსთავი 2-ს. აცილებაზე ჩხიკვაძემ მხრები აიჩეჩა რა მოხდაო. აბა რაღაა აცილების სადუძველი?! ალბათ ახლაც აჩქარებენ ჩხიკვაძეს საქმის დასრულებას. ალბათ ახლაც დაწერილი აქვს უკვე მსჯავრი.

მიდით ბატონო ლაშა იჩქარეთ, საცივი, ძმაკაცი და საახალწლო პრემია გელოდებათ. ოღონდ მერე არ თქვათ რომ ჩვენ ვუტეხთ სახელს სასამართლოს. დღეს მკვდარი სამართალი კიდევ ერთხელ მოკალით. ჩვენი სასამართლო თქვენნაირების ხელში უკვე გვამია, ხოლო თქვენ რიგითი გვამის შემბილწველი

პროცესის რა გითხრათ, მაგრამ ამ ბრძოლას ნიკა მაინც მოიგებს.”