“ოცნების გეგმაა ხალხის შეშინება, არჩევნების გაყალბება და ქვეყნის ჩაკეტვა – ეპიდემიოლოგებო, ღვთის გულისთვის, გვითხარით სიმართლე…” – გიგი უგულავა

ფოთის მერობის კანდიდატი გიგი უგულავა:

ყველა მონაცემით, ოცნების შეთითხნილი კვლევების გარდა, ოცნება აგებს რეფერენდუმს. პირველ ტურში აგებს, მეორე ტურებია უმრავლეს ქალაქებში და მაჟორიტარულ ოლქებში. ესაა სიმართლე

კოვიდის მართვა/ვერმართვა, არჩევნების ჩატარება/გადადება მთლიანად ხელისუფლების პასუხისმგებლობაა. ასეა ყველა ქვეყანაში

ხელისუფლებას არ ადარდებს ათასობით გარდაცვლილი ჩვენი მოქალაქე. ასევე, ცხადია რომ აშკარა კონფლიქტია ეპიდემიოლოგებსა და პრემიერ ღარიბაშვილს შორის. ოცნების გეგმაა, რაც უფრო შეშინდება ხალხი ნაკლებად მოვა არჩევნებზე, გააყალბოს და მერე ჩაკეტოს ქვეყანა. ოღონდ მანამდე ათასობით ადამიანი მოკვდება. ეს ცივსისხლიანი მკვლელების გეგმაა. დიახ, ღარიბაშვილი სწორედ ასეთია

ახლა კითხვა გვაქვს მუშკეტერებად წოდებულ ბატონებთან. გვითხარით დეტალური სიმართლე. წინასაარჩევნო პროცესი, არჩევნები 2 ოქტომბრამდე და მეორე ტურებით ოქტომბრის ბოლომდე რა გავლენას მოახდენს ეპიდ სურათზე? სად ვიქნებით არჩევნების დასრულებისას? რა არის ახლა სწრაფი გამოსავალი იმისთვის, რომ არ ჩამოიქცეს ჯანდაცვის სისტემა და შეუქცევად კატასტროფაში არ აღმოვჩნდეთ?

ბატონო ამირან, თენგიზ და პაატა თქვენი ადამიანური და პროფესიული ვალია, ყოველგვარი პოლიტიკური კონიუნქტურის გარეშე გვითხრათ და პასუხი გაგვცეთ ამ კითხვებზე. საუბარი იმაზე რომ პირბადე და აცრაა გამოსავალი აუცილებელია, მაგრამ ფაქტია არ კმარა. გვითხარით სიმართლე საზოგადოებას და შემდეგ პარტიებმა თავად გადაწყვიტონ რა გზას აირჩევენ და ხალხიც თავად გადაწყვეტს ვის დაუჭიროს მხარი. გადაწყვეტს როგორც კავკასიურ ცარცის წრეში – ვინც ხელს არ მოსტეხს შვილს, ის იქნება პასუხისმგებლიანი და პირიქით, ვინც ბავშვს მიისაკუთრებს ის სინამდვილეში იქნება მკვლელი. სამწუხაროდ, ეს სიტყვა როგორც არასდროს არაა მეტაფორა. დიახ, მკვლელია ვინც კლავს და ვისი სიხარბის გამოც ადამიანები იღუპებიან

ეპიდემიოლოგებო, ღვთის გულისთვის, გვითხარით სიმართლე ხალხს და არა მთავრობას დახურულ კაბინეტებში

პ.ს. იქნებ ჟურნალისტებმაც კითხოთ მათ, როცა საშუალება გექნებათ”