“ოცნებამ” უკან დაიხია, მაგრამ ბოლომდე უნდა მოვიდეს გონს ივანიშვილი და მისი გარემოცვა – გიგა ბოკერია

„ევროპული საქართველოს“ ლიდერი გიგა ბოკერია „ქართული ოცნების“ მიერ დანიელსონის შემუშავებულ დოკუმენტზე ხელის მოწერას აფასებს:

„წნეხის ქვეშ „ოცნებამ“ უკან დაიხია, მაგრამ რა თქმა უნდა, არასაკმარისად. პრეზიდენტ მიშელის წარმოდგენილი გეგმიდან სამ პუნქტზე რომ შეჯერდა პოზიციები, ეს გასაგებია, მაგრამ არის ორი პუნქტი, რაზეც ჯერ შეჯერებული არ არის. ეს არის პოლიტპატიმრების გათავისუფლება. ჩვენ უნდა ვნახოთ, რომ ისინი არიან თავისუფლები,  პოლიტიკური დევნა შეწყდა. ამაზე საერთოდ არაფერი უთქვამს და ბუნდოვანი იყო თალაკვაძე. ასევე ვადამდელ არჩევნებზე, აქ მან დაუშვა პირველად შესაძლებლობა, რომ ვადამდელ არჩევნებზე შევთანხმდეთ, ოღონდ რაღაც გაუგებარი, ბუნდოვანი და არალოგიკური ტესტი ახსენა 40 პროცენტის აღების მმართველი პარტიის მიმართ.

ჩვენ გვაქვს მყარი პოზიცია, ან პირდაპირ ვადამდელ არჩევნებზე უნდა შევთნხმდეთ, ან უნდა იყოს პლებისციტი, სადაც უმრავლესობა წყვეტს, იყოს თუ არა ვადამდელი არჩევნები და არა 40 პროცენტი, 60-ის წინააღმდეგ. ახლა ორ მთავარ პუნქტზე უნდა შევჯერდეთ და ბოლომდე გონს უნდა მოვიდეს ივანიშვილი და მისი გარემოცვა“.