“ოცნებამ” ძალაუფლება უფრო განიმტკიცა” – არჩილ გამზარდია

პოლიტიკური ფილოსოფიის დოქტორი, პროფესორი, არჩილ გამზარდია, ტვ ფორმულასთან ამბობს;

✅️ “წინააღმდეგობის მიუხედავად ქართულმა ოცნებამ ძალაუფლება უფრო განიმტკიცა, ძნელია იპოვო შემთხვევა, რასაც ხელისუფლებისგან ან კომპრომისი ან უკან დახევა მოჰყვა. ქართულ ოცნებას უკვე საკმაოდ კარგად აქვს აღებული ალღო, რადგან წინააღმდეგობა პროგნოზირებადია.”

✅️ “სანქციები რომ აწუხებთ, ეს არის ფაქტი, მაგრამ ამ შეწუხებით ძალაუფლებას კიდევ უფრო ტოტალიტარულს ხდიან. შეწუხების შედეგი ისევ ხალხისთვის საწინააღმდეგო ხდება.

✅️ საერთაშორისო დამოკიდებულება როგორც ხელისუფლებისადმია ნეგატიური, ასევე ოპოზიციისადმი სკეპტიკური. პრესტიჟი და პოლიტიკური ლეგიტიმაცია არც ხელისუფლებას გააჩნია და ასევე პრობლემურია ოპოზიციისათვის როგორც ქვეყნის შიგნით, ისე საერთაშორისო დონეზე.

✅️ არსებული ოპოზიციისადმი, რა ფორმითაც ის არსებობს და რა სტრატეგიითაც ის მოქმედებს, დამოკიდებულების სტატუს-კვო ნაკლებად შეიცვლება.

✅️ ოპოზიციაც ჩვენ გვავალდებულებს, რომ რადგან ცუდი ხელისუფლება გვყავს, გინდა თუ არა ჩვენ მიგვიღეთ ისეთები, როგორიც ვართო. პრინციპი მსგავსი აქვს ხელისუფლებასაც და ოპოზიციასაც, ორივე გვავალდებულებს ერთმანეთის წინააღმდეგ, რაც არიან, ისეთები მივიღოთ, თუ არა და ოპოზიცია აშინებს ხალხს ხელისუფლებით, ხელისუფლება კი ოპოზიციით.

✅️ თუ არ შეიცვალა ოპოზიციის წარმომადგენლობითობა ბუნებრივად, მათი სტრატეგია და ა.შ. ოპოზიცია ამ ფორმით, ამ მიდგომებით, არსებული ბეგრაუნდით ვერ მიიღებს მოქალაქეთა საკმარის მხარდაჭერას ვერც არჩევნებზე და ვერც არჩევნების შემდგომ სამოქალაქო პროცესებში.