ეროვნული ბანკის ყოფილი პრეზიდენტი, რომან გოცირიძე:
ოცნების ხელისუფლება ქსელურ სუპერმარკეტებს ლობირებს. შეიძლება ეს ვინმეს უცნაურად მოეჩვენოს ფასების ირგვლივ ატეხილ აჟიოტაჟის ფონზე, სადაც მთავარ დამნაშავეებად სწორედაც რომ ისინი არიან გამოყვანილნი, მაგრამ სინამდვილეში სულ სხვა რამე ირკვევა.
მთავრობამ ფასების ზრდის მიზეზად სასურსათო მაღაზიების სიმრავლე დაასახელა. თურმე გერმანიაში ორჯერ ნაკლები ყოფილა ყოველ ათას მოსახლეზე. ეს აბსურდია. ბავშვმაც კი იცის, რომ კონკურენცია ხელს უშლის ფასების ზრდას. მიუხედავად იმისა, რომ არაკომპეტენტურები არიან, ამ მარტივი ჭეშმარიტების შესახება მათაც ძალიან კარგად იციან.
მთავრობის გეგმა შემდეგია: სთავაზობენ სუპერმარკეტებს ფასების შემცირებას, სანაცვლოდ ჰპირდებიან პატარა და საშუალო ზომის მაღაზიების დახურვას და მომხმარებლების მათკენ გადაქაჩვას. ამით არა თუ მოხდება ფასების შემცირებით გამოწვეული დანაკლისის კომპენსირება, არამედ უფრო მეტ შემოსავლებსაც მიიღებენ.
როგორ შეიძლება თავისუფლი ბაზრის პირობრბში სავაჭრო ობიექტების დახურვა? მხოლოდ მათი ფინანსურად გაკოტრებით. ავტორიტარულ რეჟიმებში ადმინისტრაციული ჩარევით, რეპრესიებით, “ოცნების”მთავრობასთან ძალოვნების მონაწილეობით შექმნილი კომისიის მსგავსი წარმონაქმნებით.
სავაჭრო ობიექტების შემცირება სასათბურე მდგომარეობაში ჩააყენებს ქსელურ სუპერმარკეტებს, რაც საბოლოო ჯამში ფასების კიდევ უფრო მეტ ზრდას გამოიწვევს.
რა პერსპექტივა აქვს მთავრობის ამ წამოწყებას? ნულოვანი. საწყის ეტაპზე ბევრს გაანწარებენ და ამით მორჩება ყველაფერი. საერთაშორისო და საშინაო იზოლაციაში მყოფ ხელისუფლებას ამის რესურსი არა აქვს. საქართველო ბელარუსი არაა. ქვეყანა ღია, თავისუფალი საბაზრო ეკონომიკის საფუძველზე არსებობს. ადმინისტრაციულ-მბრძანებლურ სისტემაზე ( ანუ ბელარუსულ მოდელზე) მისი გადაყვანა შეულებელია.
ფასების პროპაგანდისტული ეს კამპანია მალე მივიწყებას მიეცემა. გაიზრდება თუ არა ფასები, ეს ხელისუფლების (ეროვნული ბანკის და მთავრობის) პოლიტიკაზეა დამოკიდებული და არა რომელიღაც სავაჭრო ობიექტში “ფასნამატის” სიდიდეზე. მოიმატებს-ხელისუფლებაა დამნაშავე, დაიკლებს-ხელისუფლების დამსახურება იქნება.
ამ ხელისუფლების ხელში ფასების სტაბილურობაზე ნურც ვიოცნებებთ.
კომენტარები