“ორი პარანოიკი” – რა მსგავსებაა სააკაშვილსა და ივანიშვილს შორის? – გახარია

ყოფილი პრემიერ–მინისტრი, გიორგი გახარია, “ტვ პირველთან” ჟურნალისტ, ინგა გრიგოლიას კითხვებს პასუხობს.

გიორგი გახარია:

–როდესაც ერთი ადამიანის აღქმით იმართება ქვეყანა, როცა გაუთვიცნობიერებელი შიშები მოქმედებენ ამ ადამიანის აღქმებზე, ადეკვატურობაზე იქ საუბარი შეუძლებელია. მაგალითად – შვეიცარიული საბანკო სისტემა ვიღაცას ებრძვის, ევროპული მედია კორუმპირებულია, სიენენი ანგაჟირებულია, აშშ გადატრიალებას ამზადებს საქართველოში, ევროპარლამენტარები მოსყიდულნი არიან –  ეს ჩვეულებრივი პარანოიაა…

ინგა გრიგოლია:

–პარანოია აქვს ივანიშვილს?

გიორგი გახარია:

–სააკაშვილს პარანოია არ ჰქონდა?

ინგა გრიგოლია:

–ახლა სააკაშვილზე რატომ გადაგაქვთ?

გიორგი გახარია:

–ნათქვამზე გამომეკიდეთ?

ინგა გრიგოლია:

–შინაარსში შემოვდივარ.

გიორგი გახარია:

–არ არის ეს შინაარსში შემოსვლა. სააკაშვილის ბოლო ეტაპზე ყველა საპირისპირო აზრი და ოპონენტი, რუსეთის აგენტი იყო, ყველას, ვისი აზრიც არ მოსწონდათ, რუსეთის აგენტი იყო. დღეს ვის ეძახიან რუსეთის აგენტს? როდემდე უნდა იყოს ეს ქვეყანა ორი პარანოიკის ტყვეობაში? და მივიდეთ იქამდე რომ ჩვენი შვილების მომავალი არ იყოს დამოკიდებული ერთი პარანოიკის და მეორე პარანოიკის ვაჭრობაზე ამ ქვეყნის ბედით? არასოდეს არ ყოფილა ჩვენი ქვეყანა ასე ახლოს ევროპასთან და არასოდეს არ ყოფილა ეს დიდი იდეა იმხელა რისკის ქვეშ, როგორც ოცნებამ და პერსონალურად ივანიშვილმა დააყენა, ეს ჩემთვის წითელი ხაზია.