ჟურნალისტი, გოჩა მირცხულავა:
წეღან, ეზოში მანქანა გავაჩერე. ორი ახალგაზრდა მოდიოდა, ერთმანეთს უთხრეს: – მოდი, ამ კაცს ვკითხოთ, რას გვეტყვის.. მე რაღაცაზე აშკარად გაღიზიანებული ვარ და ზედმეტი კომუნიკაციაც არ მინდა. ამ დროს: – “ამ კაცს ვკითხოთ…”და ერთმა მომმართა: – უკაცრავად, სიყვარულზე დიდი რამე არსებობს?– კი, არსებობს, – სხარტად ვუპასუხე, თითქოს ვიცოდი რას მკითხავდნენ.– რა?– ღირსება და სინდისი.– ეგ როგორ? აბა, რომ ამბობენ სიყვარული ღმერთიაო?– სიყვარული ღირსების გარეშე კერპთაყვანისმცემლობაა, სინდისის გარეშე კი უღმერთობა…– ვაჰ, ვისაც აქამდე ვკითხეთ, ყველამ გვითხრა, არა – სიყვარულზე დიდი არაფერი არსებობსო.– ყველას თავისი აზრი აქვს. ნახვამდის, – გავუღიმე და გავეცალე.ახლა ვფიქრობდი, ვინ მრჯიდა, რა თავსატეხი გავუჩინე ამ ბავშვებს? თუმცა, ხვალ ან გაახსენდებათ, ან არა…მე, მართლა ასე ვფიქრობ. ერთხელ ახლობელს ვუთხარი: სიყვარულს ნუ შეალახვინებ ღირსებას და სინდისიც გააღვიძე…ვერც მან გაიგო…მართლა რატომ ვუთხარი ასე რთულად ამ ბავშვებს? ვწუხვარ, თუმცა ის ვუთხარი, რაც სწორად მიმაჩნია.
კომენტარები