,, ორ-სამ დღეში ერთხელ მომაწვდიდნენ, ნახევარ პურს, ძეხვს და ერთ ჭიქა წყალს. ერთი-ორჯერ ზედ დააფურთხეს და ისე მომაწოდეს” – გოჩა კაკოიშვილი

თეა წულუკიანის კომისიის სხდომაზე, „ნაციონალური მოძრაობის“ რეჟიმის მიერ დაზარალებულ, „ზილების რევოლუციის“ საქმესთან დაკავშირებით გოჩა კაკოიშვილმა ისაუბრა.

მისი თქმით, თეთრიწყაროს დროებითი მოთავსების იზოლატორში ბორკილებით დაბმულ მდგომარეობაში ხდებოდა მისი წამება, რომელსაც სავარაუდოდ არა ადგილობრივი პოლიციელები, არამედ, სავარაუდოდ, უშიშროებიდან ჩამოსული თანამშრომლები ახორციელებდნენ.

„როდესაც მე იქ ვიყავი, შიმშილობაც გამოვაცხადე სანამ მიპოვიდნენ მანამდეც, ბატონი სოზარის და ლევან ტერაშვილის თხოვნა იყო, რომ შემეწყვიტა შიმშილობა, რადგანაც ეს ძალიან დიდი ზიანს მომიტანდა მე და აზრი არ ჰქონდა ხელისუფლებისთვის მე რა დამემართებოდა. ეს აღნიშნეს კიდევაც იშიმშილოს არაუშავს თუ მოკვდება ოქმი შეადგინეთო.

ძირითადად რკინაზე მეძინა არანაირი საშუალება არ იყო იმისი, რომ რამე დამეფინა. ადგილობრივი პოლიცია პროცესში მონაწილეობას არ იღებდა . მხოლოდ და მხოლოდ შემოსული ვიღაც უცხოები, რომლებიც პოლიციელები არ იყვნენ, მე ვფიქრობ, უშიშროებიდან იყვნენ შემოსულები, რომლებიც ახორციელებდნენ ჩემს ცემას და წამებას. დაბმულ მდგომარეობაში, ბორკილებით, მე წინააღმდეგობის გაწევის შესაძლებლობა მქონდა, ფიზიკური მონაცემებიდან გამომდინარე და ამიტომ უხდებოდათ ჩემი დაბმა, რომ მათთვის ადვილი ყოფილიყო განეხორციელებინათ ის, რის დავალებაც ჰქონდათ. აქედან გამომდინარე ძალიან დასუსტებული ვიყავი“, – განაცხადა გოჩა კაკოიშვილმა.

კაკოიშვილის განცხადებით, მისთვის არც გასეირნება, არც საჭმლის და წყლის მიწოდება ხდებოდა. ორ-სამ დღეში ერთხელ აწვდიდნენ, ნახევარ პურს, ძეხვს და ერთ ჭიქა წყალს, ხოლო რამდენჯერმე ზედ დააფურთხეს და ისე მიაწოდეს.

„საკანში მარტო ვიყავი. გვერდით იქეთ იყო გარემონტებული საკნები სადაც, კრიმინალები ჰყავდათ. ჩემთვის არც გასეირნება, არც საჭმლის შემოწოდება, არც წყლის მოწოდება არ ხდებოდა. ორ-სამ დღეში ერთხელ მომაწვდიდნენ, ნახევარ პურს, ძეხვს და ერთ ჭიქა წყალს. ერთი-ორჯერ ზედ დააფურთხეს და ისე მომაწოდეს.

ვინც ჩემს ცემას და წამებას ახორციელებდა, იმათ თანდასწრებით ხდებოდა ეს ყველაფერი. რუსთაველი ბიჭები ვინც მუშაობდნენ პოლიციაში, ვინაიდან ინფორმაცია არ გასულიყო თეთრიწყაროს პოლიციიდან სამსახურიდან გაუშვეს შვებულებაში. როდესაც მე ასეთი დასუსტებული ვიყავი გასეირნების დროს ერთმა პატიმარმა თავისი საჭმელი, პურის ნატეხი და „პეჩენია“ შემომიგდო „ფორთოჩკაში“, რომ მეჭამა. მათ ყველაფერი იცოდნენ მე რაც მემართებოდა. 1 კვირაში უნდა გასულიყო და 4 თვე დაუმატეს პატიმრობა იმიტომ, რომ ეს ჩაიდინა“, – განაცხადა გოჩა კაკოიშვილმა.