ტვ პირველის ინფორმაციით, ოპოზიციის პროტესტის მიუხედავად კასპის საკრებულოში “ქართული ოცნების” დეპუტატებს ხელფასები კოლოსალურად გაეზარდათ. ოპოზიციის დემარში ფონზე საკრებულოს სხდომაზე მარტო დარჩენილმა მმართველის გუნდის წევრებმა ბიუჯეტი უპრობლემოდ დაამტკიცეს. აღნიშნული თანხა 18 მილიონ 400 ათასი ლარით განისაზღვრა, საიდანაც სახელფასო ფონდი 500 ათასი არის გაზრდილი.
მთავარი ოპოზიციური პარტიის წევრები აცხადებენ, რომ ახალი, 2022 წის ბიუჯეტი არა ხალხზე, არამედ სახელმწიფო მოხელეებზეა მორგებული.
ბიუჯეტი განისაზღვრება 18 მილიონ 400 ათასი ლარით. წინა წლის ბიუჯეტთან შედარებით 5 მილიონი ლარით ნაკლებით განისაზღვრება და სახელფასო ფონდი იმატებს ნახევარი მილიონი ლარით. საკრებულოს აღვირახსნილ თავმდჯომარეს, ვინმე ბეგლარაშვილს 4500 ლარი ენიშნება ხელფასი. სწორედ ამიტომ არ დაგიშვეს თქვენ დღეს საკრებულოს სხდომაზე, – განაცხადა ოპოზიციის ერთ-ერთ წევრმა.
“ქართული ოცნების” დეპუტატები ირწმუნებიან, რომ ხელფასი კი არ გაეზარდათ, არამედ “გაათანაბრეს”.
არ გაზრდილა ხელფასები, უბრალოდ იყო დაბალი ხელფასები კასპის რაიონში და ამის გათანაბრება მოხდა, – თქვა ერთ-ერთა დეპუტატმა.
კასპის საკრებულოს სხდომაზე მედიის წარმომადგენლები არ დაუშვეს.
კომენტარები