„ლელოს“ ერთ-ერთმა ლიდერმა, ბადრი ჯაფარიძემ ევროპული საბჭოს პრეზიდენტ შარლ მიშელის პირადი წარმომადგენლის, კრისტიან დანიელსონის მოდერატორობით ოპოზიციისა და ხელისუფლების წარმომადგენლებთან ერთობლივი შეხვედრის შემდეგ განაცხადა:
„საერთოდ არ იყო წარმოდგენილი მედიატორის მიერ წინადადება, იმის გამო, რომ „ქართული ოცნება“ ამ საკითხზე კონსტრუქციულ მსჯელობას ხელს უშლიდა. იგულისხმება რიგგარეშე არჩევნები. დანარჩენ საკითხებზე გვქონდა მსჯელობა, აქედან სამ საკითხზე ჩვენ შევთანხმდით, როგორც ოპოზიციური პარტიების ერთობა, ეხება ეს საარჩევნო რეფორმას, მართლმსაჯულების რეფორმას და ხელისუფლების განაწილებას. ამ საკითხებზე ჩვენ დავეთანხმეთ. რაც შეეხება პოლიტიკური პატიმრების განთავისუფლების საკითხს, იყო შემოთავაზება მელიასთან დაკავშირებით, რომელიც შესაძლოა, იყოს გამოსავალი. არ იყო შემოთავაზება საკმარისად კარგი რურუასთან დაკავშირებით; ამიტომ, აქ შეთანხმება ვერ დავასრულეთ. ასე რომ, დაგვრჩა საკითხები, რაც შეეხება პოლიტიკური პატიმრების განთავისუფლებას. აქ დასასრულებელია სამუშაო და სამუშაო გვაქვს რიგგარეშე არჩევნების მექანიზმთან დაკავშირებით, რიგგარეშე არჩევნებამდე მისვლის მექანიზმთან დაკავშირებით. ასე რომ, ხუთი საკითხიდან სამ საკითხზე ჩვენ დავეთანხმეთ მედიატორის წინადადებას და ოპოზიცია დღესვე მზად არის, რომ ამ სამ საკითხზე ხელი მოაწეროს“
კომენტარები