ჯანდაცვის მინისტრის მოადგილემ თამარ გაბუნიამ „იმედის“ ეთერში კორონავირუსის ახალი შტამის შესახებ ისაუბრა.
მისი თქმით, „ომიკრონის“ გავრცელება აცრილებშიც შესაძლებელია, მაგრამ ვაქცინები ლეტალობისგან დაგვიცავს.
„მეცნიერება ამბობს, რომ „ომიკრონი“ შესაძლოა, აცრილებშიც გავრცელდეს, მაგრამ ის ვაქცინები, რომლებიც დღეს ჩვენ გვაქვს, მაღალი ალბათობით, ჰოსპიტალიზაციისგან და ლეტალობისგან ამ შემთხვევაშიც დაგვიცავს. დრო არ უნდა დავკარგოთ, რადგან ვირუსს სწრაფად შეუძლია სახეცვლილება, ვერაგულად და აგრესიულად გვიტევს. ამდენად, თუ ტემპი ჩვენც არ ავაჩქარეთ, არ გავყევით ამ პროცესს უფრო სწრაფად, თუ თავის დაცვის ყველა საშუალება არ გამოვიყენეთ, ამ ვირუსის დამაზარალებელ ზეგავლენასთან გამკლავება ძალიან რთული იქნება“, – აღნიშნა გაბუნიამ.
კომენტარები