უკრაინის პრეზიდენტმა რადას “გამარჯვების გეგმა” წარუდგინა – როგორც უმაღლესი რადას წინაშე გამოსვლისა ვოლოდიმირ ზელენსკიმ განაცხადა, “გამარჯვების გეგმა” ომის დიპლომატიური დასრულების “ხიდია”, რადგან მისი სისრულეში მოყვანა რუსეთს მოლაპარაკებების წარმოებასა და აგრესიაზე უარის თქმას აიძულებს.
ზელენსკის მიერ წარდგენილ გამარჯვების გეგმას უკრაინის უმაღლესმა რადამ მხარი ერთხმად დაუჭირა.
უმაღლესმა რადამ უკრაინის გამარჯვების გეგმა მიიღო. უკრაინის პარლამენტი ზელენსკის მიერ წარდგენილ გეგმას მხარს უჭერს. რადა გამარჯვების გეგმის განხორციელებაში სრულად ჩაერთვება”, – თქვა უკრაინის პარლამენტის თავმჯდომარემ, რუსლან სტეფანჩუკმა.
ზელენსკიმ გეგმის ხუთი პუნქტი დაასახელა:
პირველი – უკრაინის ნატოში ომის დასრულებამდე მიწვევაა.
მეორე – სამხედრო ოპერაციები. ზელენსკის თქმით, აუცილებელია “ომი რუსეთს დაუბრუნდეს”, რამაც, მისი აზრით, შეიძლება გამოიწვიოს რუსეთში სოციალური დაძაბულობის გაზრდა და კრემლის პოლიტიკის წინააღმდეგ პროტესტი. უკრაინის პრეზიდენტმა მნიშვნელოვანი უწოდა უკრაინის შეიარაღებული ძალების ოპერაციების გაგრძელება რუსეთის რიგ ტერიტორიაზე. ზელენსკი მოუწოდებს დასავლეთის ქვეყნებს გააუქმონ შეზღუდვები რუსეთის ტერიტორიაზე შორი მოქმედების იარაღზე და უკრაინასთან ერთად მონაწილეობა მიიღონ უკრაინის ტერიტორიის საჰაერო თავდაცვაში, კერძოდ, ჩამოაგდონ რუსული რაკეტები და თვითმფრინავები.
მესამე – სტრატეგიული შეკავება. ეს გულისხმობს უკრაინაში ძლიერი სტრატეგიული არაბირთვული იარაღის განლაგებას, რამაც, უკრაინის პრეზიდენტის თქმით, შესაძლოა აიძულოს რუსეთი დაიწყოს მოლაპარაკება.
მეოთხე – უკრაინის სტრატეგიული და ეკონომიკური პოტენციალის განვითარებაა. სხვა საკითხებთან ერთად, ზელენსკი მოკავშირეებს სთავაზობს უკრაინის ღირებული რესურსების – კერძოდ, ურანის, ტიტანისა და ლითიუმის ერთობლივ დაცვას.
მეხუთე – უკრაინელი სამხედროების გამოყენება რუსეთთან ომის დასრულების შემდეგ ნატოს ქვეყნებისა და უკრაინის სხვა მოკავშირეების თავდაცვის გასაძლიერებლად, კერძოდ, ევროპაში სამხედრო ბაზებზე ამერიკელი სამხედრო პერსონალის უკრაინული სამხედროებით შეცვლა.
კომენტარები