პოლიტოლოგი, ლევან ლორთქიფანიძე, ინტერპრესნიუსთან, ამბობს:
“ოლიგარქია რას ნიშნავს? 3 ძირითადი ნიშანი აქვს:
ოლიგარქები არიან აბსოლუტურ უმცირესობაში;
ოლიგარქები არიან მდიდრები, უმდიდრესი ხალხი;
და მესამე ნიშანია, რომ პოლიტიკას იყენებენ საკუთარი სიმდიდრის შენარჩუნებისთვის, გაორმაგებისთვის და საკუთარი სიმდიდრის გამრავალფეროვნებისთვის.
ამ სამი კლასიკური ნიშნით თუ მივყვებით, საქართველოში დეოლიგარქიზაცია ნიშნავს იმას, რომ მთელი პოლიტიკური სპექტრი უნდა გაიწიოს პოლიტიკური ველიდან და დარჩნენ ის ადამიანები, რომლებიც მულტიმილიონერები არ არიან.
მარტო ბიძინა ივანიშვილი არ არის საქართველოში ოლიგარქი, ჩემი აზრით, ეს უფრო სამართლიანი იქნება, ჩემი აზრით, ოლიგარქი ბიძინა ივანიშვილიცაა, დავით კეზერაშვილიც, კობა ნაყოფიაც, ფრიდონ ინჯიაც… რა ვიცი, ყველა ოლიგარქია, ვინც ფულის გამო მოდის მთვარობაში და საკუთარ კაპიტალს იცავს.
თუ ჩვენ ივანიშვილს ჩამოვაცილებთ ხელისუფლებიდან, რა გამოდის, ერთი დიდი ოლიგარქის ნაცვლად მოვიყვანოთ მამუკა ხაზარაძე, დავით კეზერაშვილი და პატარ–პატარა ოლიგარქები? რა იცვლება სისტემის თვალსაზრისით? – ხალხი ასე იგებს
ევრპარლამენტს და ევროკავშირს ვეთანხმები (ჩანაწერი რეზოლუციაში ბიძინა ივანიშვილზე) – უბრალოდ მე უკეთესად ვიცი საქართველოში რა ხდება, აქ ვცხოვრობ, აქ გავიზარდე, აქაურობას ვიკვლევ, და ვამბობ, რომ მარტო ბიძინა ივანიშვილის პირადი ინტერესები კი არ არის დასაბალანსებელი ქვეყანაში, ყველა მდიდარი ადამიანის ინტერესებია დასაბალანსებელი და ვროპარლამენტარების ეს ჯგუფი თუ რეალურად სწავლობს საქართველოს, ცოტა ფართოდ უნდა შეხედოს სურათს, ამას არ აკეთებენ, იმიტომ რომ სამწუხაროდ, ევროპარლამენტართა იმ ჯგუფს, რომელიც საქართველოზე მუშაობს, ერთი კვალიფიკაციის პრობლემა აქვს და მეორე არიან პოლიტიკურად ანგაჟირებულნი, ჩემი დაკვირვებით.
კომენტარები