ოკუპირებულ აფხაზეთში ელექტროენერგიის მიწოდებაზე ახალი შეზღუდვები ამოქმედდება. “ჩერნომორენერგოს” იტყობინება, რომ 9 იანვრიდან ელექტროენერგია აბონენტებს დღეში ექვსი საათის განმავლობაში გაეთიშებათ.
შეზღუდვები შემოღებულია რუსეთის ფედერაციიდან ელექტროენერგიის სოციალური ნაკადის დაზოგვის აუცილებლობის გამო და მიზნად ისახავს ენერგორესურსების გამოყენების ოპტიმიზაციას და ენერგეტიკული სისტემის სტაბილური მუშაობის უზრუნველყოფას“, – აცხადებენ კომპანიაში.
კრიპტოვალუტის მოპოვებამ, ენგურის ჰიდროელექტროსადგურის წყალსაცავში წყლის დაბალმა დონემ და 2024 წლის ბოლოსთვის რუსული ელექტროენერგიის კომერციულ ფასად გადახდის აუცილებლობამ აფხაზეთი ბოლო წლების ყველაზე მძიმე ენერგეტიკულ კრიზისამდე მიიყვანა. 11 დეკემბრიდან მოსახლეობას სინათლე დღისით მხოლოდ სამ საათზე ნაკლები დროით მიეწოდებოდა.
ოკუპირებულ აფხაზეთში ელექტროენერგიის მიწოდებაზე შეზღუდვა მხოლოდ ახალი წლის დღეებში მოხსნეს.
კომენტარები