უკრაინაში რუსი ოკუპანტების შეჭრის შედეგად დაღუპულია 217 ბავშვი. ინფორმაციას უკრაინის პროკურატურა ავრცელებს.
ამავე ინფორმაციით, საერთო ჯამში დაშავებულია 391 ბავშვი.
„რუსეთის ფედერაციის აგრესიის შედეგად უკრაინაში ოფიციალური მონაცემებით 217 ბავშვი დაიღუპა და 391-ზე მეტი დაიჭრა. ყველაზე მეტი ბავშვი დაშავდა დონეცკში, კიევში, ხარკოვში, ხერსონში, ზაპოროჟიესა და ჟიტომირში“, – აცხადებენ უკრაინის გენერალურ პროკურატურაში.
რუსეთის მიერ უკრაინის ქალაქებისა და სოფლების ყოველდღიური დაბომბვის შედეგად დაზიანდა 1508 სასწავლო დაწესებულება, აქედან 102 მთლიანად განადგურდა.
კომენტარები