უკრაინის მართლმადიდებელი ეკლესიის ეპისკოპოსის ევსტრატი ზორიას ცნობით, კიევის წმინდა მიხეილის ოქროსგუმბათოვან მონასტერთან დივერსიული ჯგუფი გაანადგურეს.
ეპისკოპოსი ფეისბუქის გვერდზე აცხადებს, რომ ომის დაწყების წინ პუტინმა უკრაინისთვის წაყენებული პრეტენზიების რიგში მისი მართლმადიდებელი ეკლესიის დამოუკიდებლობა დაასახელა. ასევე, უცხოური სადაზვერვო სამსახურის ინფორმაციით, ოკუპანტებს ქვეყნის ლიდერებსა და ავტორიტეტული პირების განადგურება აქვთ მიზნად.
“არსებობს ასევე ინფორმაცია, რომლის გამოქვეყნებაც არ შეიძლება. ყოველივე ეს საფუძველს გვაძლევს ვიფიქროთ, რომ სამიზნე უკრაინის მართლმადიდებელი ეკლესიის მეთაურიც არის.
ამის გათვალისწინებით, მიღებულია უსაფრთხოების განსაკუთრებული ზომები, რათა თავიდან ავიცილოთ გამოუსწორებელი შედეგები უკრაინისა და მისი ეკლესიისთვის.
ამასთან, მინდა ოფიციალურად დაგიდასტუროთ, რომ პატრიარქი ეპიფანი არ წასულა და არც გაემგზავრება საზღვარგარეთ, ამის გაფიქრებაც კი აბსურდულია,” – აცხადებს ეპისკოპოსი.
წყარო – ნიუპოსტი
კომენტარები