საზღვრის უკანონო კვეთის საქმეზე საქალაქო სასამართლოში მსჯელობა გრძელდება. მიხეილ სააკაშვილმა კი თითქმის საათნახევრიანი სიტყვის შემდეგ სხდომა დატოვა. ვრცელ განცხადებაში სააკაშვილმა ოპოზიციას ერთიანობისკენ მოუწოდა და რიგგარეშე არჩევნებისთვის ვადა გაზაფხულამდე მისცა.
“ბატონ წოწორიებსა და ელგუჯა ცომაიას მინდა ბოდიში მოვუხადო, რომ ჩემს გამო დააკარგვინეს ეს დრო. მე თავიდანვე მოვუწოდე მათ, რომ ყველაფერს, რასაც ეტყოდნენ დაეწერათ. იცით სად გადავლახე საზღვარი ერთხელ არალეგალურად ასლან აბაშიძეს, რომ ეყენა საბაჟო, ალიკა ქობალიამ ჩამსვა თავისი პიკაპის საბარგულში, გადამაფარა ბრეზენტი და ასე შევედი. სირცხვილი არ არის სააკაშვილი, რომელმაც გაგიუქმათ ეს საზღვარი, მალულად ,რომ დადის ბათუმში? ნუთუ მე არ მაქვს უფლება, ჩემს ცხოვრებაში, სიკვდილამდე ერთხელ ბათუმში გავიარო თავისუფლად, რომელიც მე ავაშენე?”- განაცხადა მიხეილ სააკაშვილმა.
კომენტარები