“ნუ ნერვიულობთ…” – სად არის ირაკლი კობახიძე?

თითქმის ერთი თვეა, მმართველი პარტიის თავმჯდომარე საჯაროდ არ გამოჩენილა. პარტიულ შეხვედრებს ძირითადად პრემიერ-მინისტრი ატარებს. 

სად არის კობახიძე, რატომ ჩამოაშორეს ის წინასაარჩევნო შეხვედრებს და არის თუ არა ეს ორი ირაკლის დაპირისპირების მორიგი რაუნდი, ეს კითხვა,”ტვ პირველმა” კახა კუჭავას დაუსვა.

პარლამენტის თავმჯდომარე, კახა კუჭავა:

“ირაკლი კობახიძე არის შტაბის ხელმძღვანელი, გუნდის უდავო ლიდერი, რომელიც კიდევ ერთ გამარჯვებამდე მიგვიყვანს 2 ოქტომბერს. ნუ ნერვიულობთ, ის ოფისშია და ყოველთვის იქნება ხელმისაწვდომი, როდესაც საჭირო გახდება”

შეგახსენებთ, რამდენიმე დღის წინ, “ალიასთან” დავით ჭიჭინაძემ, თქვა:

“ირაკლი კობახიძე, იცით თქვენ, რომ საკმაოდ გამაღიზიანებელია ქართველი ხალხისთვის, ხისტ და არაადეკვატურ განცხადებებს აკეთებდა. თანაგუნდელებიც კი დაიპირისპირა თავისი როყიო გამონათქვამებით. ახლა საარჩევნოდ გადამალეს ამ გაუწონასწორებელი განცხადებების გამო. კობახიძე შიდა მოხმარებისთვის სჭირდება ბიძინა ივანიშვილს, იქ  ხალხის ე.წ. ჩასაჩორტად და დასაბეზღებლად. სხვა რაში შეიძლება დაგჭირდეს  კობახიძე? არც არაფერში, რადგან არაფერს წარმოადგენს.”