სუს-ის ყოფილი მაღალჩინოსანის საქმის არსებითი განხილვა იწყება. სოსო გოგაშვილი საკუთარ სასამართლო პროცესს ისევ არ დაესწრება.
სუს-ის მაღალჩინოსნის ოჯახის წევრები და თავად გოგაშვილიც ფიქრობენ, რომ მის უსაფრთხოებას საფრთხე დაემუქრება, თუ ის ეტაპირებას დათანხმდება და რუსთავის მე-12 დაწესებულებიდან სასამართლოში წავა.
გოგაშვილები არ გამორიცხავენ, რომ სუს-ის ეტაპირებისას ექს შეფს პროვოკაციები მოუწყონ.
“საქმის არსებითი განხილვა დღეს იწყება და დღესაც არ დაესწრება მამაჩემი ამ სასამართლო სხდომას მისივე უსაფრთხოებიდან გამომდინარე, რომ მისი გადაადგილების დროს რამე პროვოკაციას არ ჰქონდეს ადგილი. დღემდე არ არიან დაკითხულები ის მაღალჩინოსნები, რომლებზეც მამაჩემმა საჯაროდ ისაუბრა, იმ შეცდომებზე, რომლებიც მოქმედ ხელისუფლებას აქვს ჩადენილი. დაკითხულები ვართ მხოლოდ ოჯახის წევრები და მამაჩემი. ამიტომაც, ძნელი წარმოსადგენია, რომ სამართლიანი გამოძიების იმედი გვქონდეს“. – ამბობს ნინი გოგაშვილი. სუს-ის ყოფილი შეფის საქმეს გრიფი ადევს, ამიტომ სხდომა დახურული ჟურნალისტებისთვის იქნება.
კომენტარები