ოთხწლიანი პაუზის შემდეგ ბოდიბილდერი ვიქტორ გეგეშიძე ჩვეულ ფორმას დაუბრუნდა. სამომავლო გეგმებზე – სპორტსა და ხელოვნებას უკავშირდება ვიქტორ გეგეშიძე „თბილისელებს“ ესაუბრა.
„პოპულარობას უპირატესობას არასდროს ვანიჭებდი და არც მგონია, რომ პოპულარობის ზენიტში ვიყავი. უბრალოდ, ჩემს საქმეს ვაკეთებდი და ჩემი ფიზიკური მონაცემების წყალობით, ეს ყველაფერი თავისთავად ხდებოდა. კონკურსები, მსახიობის ამპლუა, პროექტები, ალბათ, ეს ყველაფერი განაპირობებდა ამ მდგომარეობას. არასდროს მიფიქრია, რამე პოპულარობისთვის გამეკეთებინა. მხოლოდ იმას ვაკეთებდი, რაც მიყვარდა. ჩემი კუნთების გამოჩენის მიზეზი არ ყოფილა პოპულარობის მოპოვება, ეს, უბრალოდ, მე მსიამოვნებდა და ამიტომ ვაკეთებდი“- ამბობს ვიქტორ გეგეშიძე.
წლების წინ იყო გავრცელებული ჭორი, რომ ვიქტორ გეგეშიძე და ნინი ბადურაშვილს რომანი ჰქონდათ, წლების შემდეგ კი ბოდიბილდერი ურთიერთობაზე კომენატარს აკეთებს.
„მე და ნინი ბადურაშვილიც უბრალოდ ვმეგობრობდით. ისე მოხდა, რომ ნინი ჩემით იყო დაინტერესებული, სიმპათიები ჰქონდა და ჩვენმა ნაცნობმა დაბადების დღეზე სიურპრიზი მოუწყო და ერთმანეთი გაგვაცნო. ამის შემდეგ დავმეგობრდით, ჩვენი ურთიერთობა სხვა ეტაპზე არ გადასულა. ყველაფერი ნორმის ფარგლებში იყო“- ამბობს გეგეშიძე.
წყარო: tbiliselebi.ge
კომენტარები