„ნიკა მელიამ პირადად დათხარა ხალხს თვალები, შენ პირადად, მიხეილ სააკაშვილმა, თქვენ, რომლებმაც კანონი დაარღვიეთ და მერე ბავშვები ამოიფარეთ, თქვენ დათხარეთ მათ თვალები,“- ასე ემოციურად დაუპირისპირდა პარტია „საქართველოსათვის“ წევრი, ჟურნალისტი ირაკლი წულაია „ნაციონალური მოძრაობის“ წევრს გიორგი კაპანაძეს “ტვ პირველის” ეთერში, გადაცემაში “დღის ამბები.”
წულაიას თქმით, გიორგი გახარიამ 20 ივნისის ცნობილი მოვლენების დროს, სახელმწიფო ინსტიტუციები დაიცვა და მისი „თვალთხარიას“ ეპითეტით მოხსენიება, განსაკუთრებით 20 ივნისის მომიტინგეებისაგან, არასწორია.
„გიორგი გახარიამ სახელმწიფო ინსტიტუტები დაიცვა, რომლებიც თქვენ ყოველთვის ფეხებზე გეკიდათ . ამათმა ბავშვები ამოიფარეს და წინ დაიყენეს. სამართალმცოდნე ვარ მიზეზშედეგობრივი კავშირი რა არის და ბრალი რა არის მესმის კარგად.
თქვენ გინდათ თქვათ, რომ ბრძანება კაპიტოლიუმზე რომ გასცა ამერიკის შინაგან საქმეთა მინისტრმა ის „თვალთხარია“ ყოფილა თურმე. ის ადამიანები კი, თქვენნაირები და თქვენი უფროსებისნაირები, რომლებიც დღემდე იხდიან სასჯელს ამერიკის ციხეში, ისინი ყოფილან პოლიტპატიმრები,“- განაცხადა ირაკლი წულაიამ.
კომენტარები