ვინ ჩაანაცვლებს გრიგოლ ვაშაძეს, ნიკა მელია თუ ლევან ვარშალომიძე – დღეს რამდენიმე დღიანი ელექტრონული კენჭისყრის შემდეგ, “ნაციონალური მოძრაობის” პარტიის თავმჯდომარე ცნობილი გახდება.
პოლიტსაბჭოს გადაწყვეტილებით, დაინერგა მექანიზმი, რომლის მიხედვით არჩევნებში მოქალაქეები ჩაერთვებიან.
გამარჯვებულის გამოვლენის შემდეგ, პარტიის თავმჯდომარეს უახლოეს მომავალში გამართულ ყრილობაზე დაამტკიცებენ.
“ამ ფაქტის წინაშე დავდექით და გრიგოლ ვაშაძემ დაგვტოვა, ინგლისურად წავიდა ვაშაძე, რაც ბევრისთვის მოულოდნელი იყო. ბუნებრივია ასე პარტია ფუნქციონირებას ვერ განაგრძობდა. ეს ფორმატი იყო მიხეილ სააკაშვილის იდეა და გაამართლა კიდეც,”- აღნიშნა ნიკა მელიამ.
“ერთიანი ნაციონალური მოძრაობის” პოლიტიკური საბჭოს წევრი ზაალ უდუმაშვილი აცხადებს, რომ კენჭისყრაში ათასობით ადამიანმა მიიღო მონაწილეობა.
კომენტარები