ნიგერიის ჩრდილო-დასავლეთით მდებარე შტატში, ონდოში, ორი სასულიერო პირი დააკავეს, – ამის შესახებ BBC წერს.
„ნიგერიის პოლიციამ ეკლესიიდან გაათავისუფლა 77 ადამიანი, მათ შორის ბავშვები. ზოგიერთი მათგანი, სავარაუდოდ, იქ თვეების განმავლობაში იმყოფებოდა“, – წერს BBC.
სამართალდამცველები ეკლესიაში მას შემდეგ შევიდნენ, რაც ერთ-ერთმა დედამ განაცხადა, რომ შვილები დაკარგა და ეჭვობდა, რომ ისინი ეკლესიაში იყვნენ.
გამოძიების წინასწარი ინფორმაციით, სასულიერო პირებმა მრევლს უთხრეს, რომ მიმდინარე წლის აპრილში მეორედ მოსვლა უნდა ყოფილიყო და მათ ზეცით ცოცხლად აღყვანების, ამაღლებისა და სამოთხეში მოხვედრის შანსი ჰქონდათ. მოგვიანებით, მათ ხალხს განუცხადეს, რომ მეორედ მოსვლის თარიღმა სექტემბრამდე გადაიწია.
კომენტარები