“ამ ქვეყანაში ბავშვები სძულთ” – ნენსი ვოლანდი

ჯგუფ “დაიტოვეს“ დამფუძნებელი, ნენსი ვოლანდი:

დღეს ავტობუსში მომიჯდა ბავშვი. პერიოდულად იწყებდა ყვირილს და ბრაზდებოდა (მეც მხვდებოდა ხელი) მივხვდი რომ სავარაუდოდ აუტისტური სპექტრი აქვს. მამა ან ძმა ახლდა, რომელიც ხელს უჩერებდა მორიდებულად.
არ შემიხედავს, არ მინდოდა ეფიქრა რომ მაწუხებს, ბოლოს მივხვდი რომ ჯობს ვანიშო, რომ არ ვწუხდები, გავხედე და გავუღიმე. ვერ აგიღწერთ როგორი შვებით ამოისუნთქა და გამიღიმა.
ისიც შევამჩნიე, რამდენიმე ადამიანი როგორი ამრეზით უყურებდა ამ ბავშვს, ვერ ხვდებოდნენ რატომ ყვირის და შეწუხებულები აცმაცუნებდნენ პირს.
თან პარალელურად იმ ვიდეოს ვუყურებდი, ბავშვი რომ წაიქცა პირდაპირ ეთერში და არც ერთი ზრდასრული არ მიეხმარა.
როდის გადავიქეცით ბავშვების მოძულეებად, ზუსტად არ ვიცი, მაგრამ გადავიქეცით. დიდიხანია ამ ქვეყანაში ბავშვები სძულთ.”