“ნედ პრაისის განცხადება ნათელს ხდის, ვის ეკისრება პასუხისმგებლობა, რომ არ გვაქვს კანდიდატის სტატუსი” – სამადაშვილი

„ლელოს“ წევრმა, სალომე სამადაშვილმა განაცხადა, აშშ-ის სახელმწიფო დეპარტამენტის პრესსპიკერის განცხადება შეაფასა და თქვა:

„რა თქმა უნდა, კარგია, როცა აშშ-ის უმაღლესი ხელისუფლების წარმომადგენელი ზუსტად იმეორებს იმ შეფასებას, რაც როგორც ოპოზიციას, ასევე არასამთავრობო სექტორს აქვთ. ეს განცხადება კიდევ ერთხელ ნათელს ხდის, თუ ვის ეკისრება პასუხისმგებლობა იმაზე, რომ დღემდე არ გვაქვს კანდიდატის სტატუსი და თუ „ქართული ოცნება“ ასე გააგრძელებს, ქვეყანა სავარაუდოდ ვერ მიიღებს. ეს შეფასება გამოძახილია „ქართული ოცნების“ გადაწყვეტილებაზე სასამართლო კლანის გაძლიერების თაობაზე. ამ გზავნილს ძალიან ყურადღებით მოვეკიდებოდი, რადგან ეს ძალიან ნათელი გზავნილია, რომ ვიდრე ივანიშვილი და „ქართული ოცნება“ მართავს ამ ქვეყანას არანაირი პროგრესი არ ექნება“

საქართველოს მთავრობის ქმედებებმა უკუსვლა გამოიწვია – პრაისი