“ენმ”-ის წევრი, დავით კირკიტაძე, “ტვ პირველთან” ამბობს:
“ჩემი და ნიკა მელიას საუბარი შედგა რამოდენიმე კვირის წინ, მაშინ ვუთხარი, რომ შექმნილი ვითარება იყო ძალიან მძიმე პარტიაში, ამას ყველა ვამჩნევდით… სამდივნოს წევრები გადიოდნენ პარტიიდან, პარლამენტის წევრი გავიდა… ნაციონალური მოძრაობა არ იყო პარტია, საიდანაც გარბიან უმიზეზოდ, პრობლემაა ესე იგი. ეს მხოლოდ მისი პრობლემა არ იყო, პარტიის ყველა წევრზე გადმოდიოდა. არ გსმენიათ თქვენ იმის შესახებ, რომ პარტიას უყენებდნენ პრეტენზიას, თქვენ მიატოვეთ მიხეილ სააკაშვილი. არ გსმენიათ იმის შესახებ, რომ ნაციონალური მოძრაობიდან მოითხოვდნენ მეტ აქტიობას. მე არ მაქვს განცდა, რომ ნაციონალურმა მოძრაობამ მიატოვა მიხეილ სააკაშვილი, მაგრამ მაქვს განცდა, რომ ნაციონალური მოძრაობა უნდა აკეთებდეს ბევრად მეტს მიხეილ სააკაშვილისთვის. უტრირებენ – ციხეში შევარდნილიყვნენო? ამას არავინ მოითხოვდა, ეს არის ირაციონალური, მაგრამ ნაციონალური მოძრაობა უნდა ყოფილიყო ბევრად აქტიური, ქვეყნის შიგნით და ქვეყნის გარეთ.”
კითხვას, ნაწყენია, თუ არა, მიხეილ სააკაშვილი თავის პარტიაზე – დავით კირკიტაძე ასე პასუხობს:
“მე პირადად, მის ადგილას, კმაყოფილი არ ვიქნებოდი.”
კითხვას, იქნება თუ არა ლევან ვარშალომიძე ნიკა მელიას კონკურენტი, დავით კირკიტაძე, ამბობს:
-დანამდვილებით არ ვიცი, თუმცა, მივესალმები.
თუ ვინმე იტყვის, რომ ნაციონალური მოძრაობა რასაც აკეთებდა იყო სწორი და მართალი და აკეთებდა ყველაფერს რისი გაკეთებაც შეეძლო, ის აუცილებლად დამარცხდება ამ არჩევნებში. თუ ნიკა მელია ფიქრობს რომ ეს არის ნაციონალური მოძრაობის მაქსიმუმი და არ აპირებს სტრატეგიის შეცვლას, ის აუცილებლად დამარცხდება.
ერთსაც გეტყვით, პრეზიდენტის ბიბლიოთეკიდან, ყოველთვის იწყებოდა კარგი და პროგრესული.
კომენტარები