,, ნაცმოძრაობის ყველა მომხრე, ასევე მათი ყველა მოკავშირე პარტია, სააკაშვილის ხელისუფლების დანაშაულების თანამონაწილეები ხდებიან” – ამირან სალუქვაძე

სამხედრო ექსპერტი ამირან სალუქვაძე სოციალურ ქსელში წერს:

,,სააკაშვილის დღევანდელი ბოდვები

1. ძალიან დიდ გულზეა დღევანდელ საქართველოში. მისი დროის საქართველოში განსხვავებული აზრის კი არა, კამერაში ხმამაღლა ლაპარაკის გამო პატიმრებს ძვლებს ულეწავდნენ.

როგორ იძია შური სულხან მოლაშვილზე სააკაშვილის კორუფციის შესახებ მასალების პროკურატურაში გადაცემის გამო და როგორ აწამეს, მხოლოდ სააკაშვილის ფანატიკოსებს არ სურთ გაგება. შესაბამისად, თანამონაწილეები არიან.

2. ვარდების რევოლუციაზე იცრუა. ეს იყო შევარდნაძის ხელისიფლების შიდაკლანური გადატრიალება, ანუ ვარდების გადატრიალება. ფორმალურად არჩევნების გაყალბების მოტივით მოხდა. ანუ ხალხს ასე ეგონა.

სინამდვილეში წარმოუდგენელი რამ მოხდა: ნახევარი პარლამენტი, ანუ პროპორციული სიით, თავიდან აირჩიეს, ხოლო მაჟორიტარები იგივე დატოვეს.

სააკაშვილს და ნაცმოძრაობის ძველ სახეებს ეკავათ წამყვანი თანამდებობებო ან მთავრობაში, პარლამენტში და მოქალაქეთა კავშირში. შესაბამისად სრულად არიან პასუხისმგებელნი შევარდნაძის პერიოდზე.

3. აჭარის მოვლენებზე იცრუა. არანაირი თურქეთი და აშშ. პუტინმა ჩაახუტა აჭარა, მეორედ ჩამოფრინდა (პირველად ვარდების გადატრიალებაზე დაულაგა), რაც მასვე აქვს აღიარებული – იმავე დღეს დაურეკა პუტინს და უპატაკა.

უფრო ის გაიხსენოს, 2004-2008 წლებში 30-40-ჯერ რა საკითხებზე შეხვდა პუტინს და ისიც გვითხრას მისი უკრაინის მოქალაქეობის აღდგენის საკითხზე პუტინი რატომ შეწუხდა, თუ ასე ეშინია სააკაშვილის?

4. ცხინვალის მოვლენებზეც იცრუა. ეს იყო სააკაშვილის და მისი კრიმინალი მინისტრის, ოქრუაშვილის და კიდევ რამდენიმე პირის მიერ ცუდად მომზადებული, უფრო სწორად საერთოდ მოუმზადებელი ავანტიურა. შედეგები ვიხილეთ.

5. პატარკაციშვილს შეუძლია ყველაფერი მიაწეროს, ის პასუხს ვეღარ გასცემს, მაგრამ ტელევიზიის ყველაზე არადემოკრატიული მეთოდებით დახურვას რომ თავი დავანებოთ, ჟურნალისტების მიწაზე დაყრა, მათ შორის ორსულების, და ხელკეტებით გასწორება, აპარატურის დალეწვა რა კავშირში იყო იმ ბოდვასთან, რაც დღეს იბოდიალა?

ბრალი მას განა ბადრი პატარკაციშვილის გამო წაუყენეს? ტელევიზიის დარბევას და უფლებამოსილების გადაჭარბებას ედავებიან.

6. სააკაშვილის და მისი თანაპარტიელების კომენტარები კიდევ ერთხელ გვიდასტურებენ იმ გარემოებას, რომ მათ წარსულიდან დასკვმმნები არბგამოუტანიათ.

მთავარი. იქედან გამომდინარე, რომ სააკაშვილი დღეს ისევ მათი ბელადია, სააკაშვილის მთავარი შემსრულებლები დღეს ისევ პოლიტიკაში არიან, ნაცმოძრაობის ყველა მომხრე, ასევე მათი ყველა მოკავშირე პარტია, სააკაშვილის ხელისუფლების დანაშაულების თანამონაწილეები ხდებიან.”