გიორგი არველაძე, რომელიც ამჯერად უკრაინაში იმყოფება, სოციალურ ქსელში წერს:
„ნაციონალური მოძრაობა“ ან საერთოდ აღარ უნდა არსებობდეს, ან უნდა იყოს პარტია ერთადერთი მიზნით – მიშას თავისუფლება.
მთელი მისი არსებობა, მუშაობა და ბრძოლა უნდა იყოს ამ მიზანზე ორიენტირებული. მეტზე არაფერზე. დანარჩენი მიზნები მხოლოდ ამ მიზნის მიღწევის მერე. ნაციონალური მოძრაობის ერთადერთი გზა, საკუთარი ელექტორატის შესანარჩუნებლად, არის იყოს მიშას თავისუფლების პარტია. ამ მიზანთან შედარებით არცერთ სხვა პოლიტიკურ პროცესსა თუ მოთამაშეს ნაციონალური მოძრაობისთვის არ უნდა გააჩნდეს არავითარი მნიშვნელობა. მიშას თავისუფლება უნდა იყოს ერთადერთი საკითხი დღის წესრიგში, რომელსაც პარტია უნდა კარნახობდეს და თავს ახვევდეს ქვეყნის პოლიტიკურ დისკურსს.
არა, და მის არსებობას აზრი აღარ აქვს.. მას ამომრჩეველი შესაბამის ადგილს მიუჩენს. რაც პირადად ჩემთვის, ამ მრავალმოქმედებიანი ტრაგედიის მორიგი უმძიმესი ეპიზოდი იქნება.
დღეს უკვე ის დროა, როდესაც ნაციონალურ მოძრაობას მხოლოდ ორი გზა უნდა ჰქონდეს წინ: ან მიშას გათავისუფლება და გამარჯვება, ან სიკვდილი ამისათვის ბრძოლაში. მესამე გზა არ არსებობს.
მესამე გზა არ არსებობს არც საქართველოსთვის – ან მიშას თავისუფლება, ან დიდი ხანი ისევ მონობაში და წუმპეში.“
კომენტარები