“ნატოს მეხუთე მუხლი არასოდეს ყოფილა ისეთი სუსტი როგორც ახლა” – ზელენსკი

უკრაინის პრეზიდენტი, ვოლოდიმერ ზელენსკი:

“სრულმასშტაბიანი შემოჭრის მე-20 დღე.
ჩვენ სიცოცხლისთვის ვიბრძვით. ვიგერიებთ რაკეტებს, ავიადაბომბვას, ტანკებს და ჭურვებს.  რუსეთი ჩვენს გასანადგურებლად ყველაფერს იყენებს და თავსაც ინადგურებს.

სარაკეტო იერიშებით განადგურდა დნიპროს აეროპორტი და ხარკოვის რამდენიმე დასახლებული პუნქტი. ომი გრძელდება ჩუგოევსა და იზიუმში. რივნეში სასტუმროს ნანგრევებში ადამიანებს ამ დრომდე ეძებენ. ძველი ჩერნიგევი და ოსტერი რუსეთის მხრიდან იმდენად დიდ შეტევებს განიცდიან რომ თუ რუსეთთან რაიმე კულტურული ბმა ჰქონდათ – ისიც წაიშალა.

ოკუპანტებს ფესვები, სული და მეხსიერება არ აქვთ. რუსებმა კიევს და კიეველებს შეუტიეს. 4 მრავალსართულიანი სახლი დაინგრა. ნანგრევებში ადამიანებს ამ დრომდე ეძებენ. დაღუპულია 5 ადამიანი. რუსებო – რუსულად მოგმართავთ. მე ვსაუბრობ ქალაქ კიევიდან, რომელსაც ქალაქების დედად მოიხსენიებდით.  ქალაქი, რომელმაც ჩვენი ერების ისტორია ჩამოაყალიბა თქვენ დღეს დაბომბეთ.  უბრალო ადამიანები და დასახლებული პუნქტები. დაბომბეთ და ისევ ბომბავთ. კიევს თქვენნაირი შვილები არ სჭირდება. მადლობა.

ოკუპანტები კიევის აღების გეგმის შემუშავებას აგრძელებენ. მიაჩნიათ რომ კიევზე კონტროლის დამყარება, უკრაინაზე კონტროლის დამყარებას ნიშნავს. ეს აბსურდია.

დღეს ჩვენს დასავლელ პარტნიორებს ვესაუბრე. რუსების მიერ ჩვენი ქვეყნის მიმართულებით გამოშვებული 800 რაკეტიდან თითოეული არის პასუხი ნატოს შესახებ დასმულ დიდი ხნის კითხვაზე, არის თუ არა ნატოს კარები ღია !! ეს კარები ღია რომ იყოს, უკრაინის 20 დღე არ დასჭირდებოდა ალიანსის დასარწმუნებლად რომ უკრაინის ცა უნდა ჩაკეტოს.  ჩვენი ჯერჯერობით არ ესმით, ან არ უნდათ რომ გაიგონ. ზოგიერთი ქვეყანა ამბობს რომ არ შეუძლია, რადგან შესაძლებელია ეს ესკალაციამდე, ან მესამე მსოფლიო ომამდე მივიდეს.

მაინტერესებს რას იტყვიან თუ რუსები ევროპისკენ წავლენ და სხვა ქვეყანას შეუტევენ. დარწმუნებული ვარ ზუსტად ისე მოიქცევიან როგორც უკრაინასთან. ალიანსის მეხუთე მუხლი არასოდეს ყოფილა ისეთი სუსტი როგორც ახლა. ეს მხოლოდ ჩვენი აზრია.

ჩვენ გვჭირდება გარანტიები, ჩვენი ცის უსაფრთხოების გარანტიები და ამ საკითხზე უკან არ დავიხევთ. ჩვენ გვჭირდება მრავალწლიანი გარანტიები. თუმცა კონკრეტული, რომელიც იურიდიულად განმტკიცებული იქნება. ვარაუდები არ უნდა გაისმოდეს იმ ადამიანებისგან, რომლებმაც ბუდაპეშტის მემორანდუმს ხელი მოაწერეს.

უკრაინელებო, ქვეყანაში 40 მილიონი ადამიანი ვართ. რამდენიმე მილიონი ქვეყნის გარეთ – ეს დიდი ძალაა. ასევე ჩვენი მეგობრები. ყველას ერთი დავალება გვაქვს. რუსეთის ზეწოლა უნდა გავაძლიეროთ. ეს ეხება ბიზნესს და კომპანიებს, რომლებმაც რუსული ბაზარი არ დატოვეს და მათ სამხედრო მანქანას ამ დრომდე აფინანსებენ. ისინი რუსეთიდან უნდა გასულიყვნენ. რუსეთის უცხოური ბიზნესი უნდა გაჩერდეს.”