NATO-ს ახალი გენერალური მდივანი, მარკ რუტე კიევში ჩავიდა – ოფიციალური ვიზიტის ფარგლებში, რუტემ შეხვედრა პრეზიდენტ ვოლოდიმირ ზელენსკისთან გამართა.
“ეს ჩემი მეხუთე ვიზიტია უკრაინაში მას შემდეგ, რაც რუსეთმა 2022 წლის თებერვალში სრულმასშტაბიანი შეჭრა დაიწყო. ერთად ჩვენ ვეწვიეთ ხარკივს, ოდესას და, რა თქმა უნდა, უამრავი შეხვედრა გავმართეთ კიევში.
ჩემთვის მნიშვნელოვანი იყო მანდატის დასაწყისში უკრაინაში ჩამოსვლა, რათა აბსოლუტურად მკაფიოდ მეჩვენებინა თქვენთვის, უკრაინელი ხალხისთვის და ყველასთვის, ვინც თვალს ადევნებს, რომ NATO აგრძელებს უკრაინის მხარდაჭერას. ჩემი, როგორც ნატოს გენერალური მდივნის, პრიორიტეტად და პრივილეგიად მიმაჩნია ამ მხარდაჭერის გაძლიერება და უკრაინის გამარჯვების უზრუნველყოფა”, – თქვა რუტემ.
კომენტარები