“შეჯიბრიდან მომხსნეს, – უცნობის გადაცემაში მისვლაც საკმარისიაო” – ნათია ქოლუსი

ნათია ქოლუსი, სოციალურ ქსელში, წერს:

ამ წამს ქალთა შორის პისტოლეტის სროლის შეჯიბრიდან მომხსნეს იმიტომ, რომ ნათია ქოლუსი ვარ.

შენს აზრებს ვერ ვეთანხმებიო და, რა აზრებს-მეთქი, ვკითხე და ვერ მეუბნებიან.

უბრალოდ მომხსნეს პოლიტიკური შეხედულებების გამო, რომლებსაც თან ვერ მისახელებენ. “უცნობის პროპაგანდულ გადაცემაში მისვლაც საკმარისია” – ეს იყო ერთადერთი მიზეზი, რაც დამისახელეს.

არ ვაპირებ ჩივილს, რადგან უბრალოდ გამწარებულია ადამიანი ან ჩვენი მთავრობით, ან რუსეთუმეებით და ვიღაცამ დააჯერა, რომ ეგ ვარ. არაუშავს, ვის არ ვგონებივარ… უბრალოდ, ვიღაც რომ რაღაცას გეტყვით, კარგი იქნება, მაშინვე არ დაუჯეროთ და თქვენით გაარკვიოთ, ვინ ვინაა.

დრო გამოაჩენს ყველაფერს, უბრალოდ, ძალიან მინდოდა შეჯიბრში მონაწილეობა და გული დამწყდა.

Shooting Range Laguna – ადგილი სადაც ხანდახან არასწორ მიზანს არტყავენ.