“ნარატივად განიხილებოდა, რომ გახარია გეია” – მოშე კლუგჰაფტის რეკომენდაცია?

“მთავარის” მტკიცებით, მათ ხელში ჩაუვარდათ მოშე კლუგჰაფტის მიერ “ქართული ოცნებისთვის” მიცემული რეკომენდაციები – შედგენილი სტრატეგიის მიხედვით, მთავარ სამიზნეებს შორის ყოფილი პრემიერი გიორგი გახარია მოხვდა. 

ნარატივის წამყვანი ხაზები უნდა იყოს:

• კორუფცია,
• ამორალურობა (ჰომოსექსუალობასთან, ნარკოტიკების მოხმარებასთან, ოჯახისა და სახელმწიფოს მოღალატეობასთან დაკავშირებული ბრალდებები).

ნარკოტიკების მოხმარებასთან დაკავშირებული ნარატივი მარტივი არ იქნება, მაგრამ ეს ხაზი სხვებს აჯობებს, რადგან ვიზუალური მტკიცებულებები არ არის საჭირო”,- წერია დოკუმენტში. 

გიორგი გახარიასთან დაკავშირებით წერია ისიც, რომ გზავნილების გავრცელება უნდა მოხდეს შემდეგი გზით:

სატელევიზიო მედია: იმედი, პოსტ ტვ, რუსთავი2, მაესტრო. 

ფეისბუქი, ადგილობრივი და საერთაშორისო ექსპერტები. 

პირველი ფაზა: სახელის შერქმევა (ნარკომომხმარებელი, ოჯახისა და სახელმწიფოს მოღალატე)

მეორე ფაზა: დაბრალება: სად, როდის, როგორ

მესამე ფაზა: შერცხვენა – ჩვენ კარგები ვართ, ის ცუდია

მეოთხე ფაზა: ნარატივის ინფორმაციული მხარდაჭერა, კონკრეტული პირების დასახელება, მანიპულირებული ფეიკი და “დიფ ფეიკი”. (იგულისხმება ყალბი ვიდეო). 

მეხუთე ფაზა : ნარატივის გონებაში ჩაბეჭდვა. მთავარი გზავნილის გამეორება “გახარია=სააკაშვილს=ნარკომომხმარებელს და მას არ აქვს უფლება, იყოს დედაქალაქის მერი” 

“ნარკოტიკების მოხმარებასთან დაკავშირებული ნარატივი მარტივი არ იქნება, მაგრამ ეს ხაზი სხვებს აჯობებს, რადგან ვიზუალური მტკიცებულებები არ არის საჭირო”

ოპოზიციური მედია – “მთავარის” მტკიცებით, კიდევ ერთი მნიშვნელოვანი და მთავარი სამიზნე მოშე კლუგჰაფტის ზიზღის შემცველ სტრატეგიაში. 

პოლიტტექნოლოგის მიერ “ქართული ოცნებისთვის” შექმნილ დოკუმენტში პირდაპირ წერია, რომ აუცილებელია ოპოზიციური სატელევიზიო არხების დისკრედიტაცია და მათთვის ძირის გამოთხრა:

“რადგან ბევრი ადამიანი ფიქრობს, რომ მედია აფილირებულია ოპოზიციასთან, კავშირშია სააკაშვილთან, კეზერაშვილთან და  მხარს უჭერს “ლგბტ” თემს მათთვის ძირის გამოთხრა იქნება ადვილი.

ქართული მედიასივრცის სპეციფიკიდან გამომდინარე, უმჯობესია ოპოზიციურ არხებზე მომუშავე პოპულარულ ჟურნალისტებს შორის, კონკრეტული სახეების ამორჩევა: ნიკა გვარამია, ნოდარ მელაძე, ინგა გრიგოლია, ვახო სანაია, გიორგი გაბუნია, დიანა ტრაპაიძე და ა.შ. და მათი დაკავშირება მთავარ საფრთხესთან, სააკაშვილთან “,- ნათქვამია დოკუმენტში. 

მოშე კლუგჰაფტის სტრატეგიის მიხედვით, ოპოზიციურ მედიაში დასაქმებული ნებისმიერი ჟურნალისტი, უნდა იყოს დაკავშირებული საქართველოს მესამე პრეზიდენტთან მიხეილ სააკაშვილთან. 

წყარო – მთავარი