პარლამენტში ნამუსი დაიკარგა და ეძებენ? – “ნამუსი გაქვს?” – “ნამუსი შენკენ მოიკითხე” –

ხმაური იყო ჯანდაცვის კომიტეტზე, სადაც „საზოგადოებრივი ჯანმრთელობის დაცვის შესახებ“ კანონში შესატან ცვლილებებს განიხილავენ.

სხდომაზე ადამიანის უფლებების კომიტეტის თავმჯდომარე სოფიო კილაძემ ფრაქცია „დამოუკიდებელი დეპუტატების“ წევრ ლევან კობერიძეს ნამუსი დაუწუნა: „ნამუსი არ გაქვს“- მიმართა კილაძემ კოლეგას.

„ნამუსი არ გაქვს“ – ეს რა მიმართვაა? მგონი შენთვის შეურაცხყოფა არ მომიყენებია. ნამუსი შენკენ მოიკითხე. რა სიტყვებია. ცოტა დაუწიე ტონს, ადამიანის უფლებათა დაცვის კომიტეტის თავმჯდომარე ხარ და ასე შეურაცხყოფას ნუ აყენებ ადამიანს,“ – მიმართა კობერიძემ სოფო კილაძეს.

„სკანდალი გინდა ეტყობა და მიკროფონი ჩართე, რომ კოლეგისთვის შეურაცხყოფა მიგეყენებინა. ყოველ დღე აქ ვარ და შენგან განსხვავებით, საქმესაც ვაკეთებ“- მიმართა კობერიძეს სოფო კილაძემ.

წყარო – ნიუპოსტი